៤ វិធីអាចជួយការពារទិន្នន័យលើ Laptop ថ្មី

2019-02-07 05:04:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ទទួលបាន Laptop ថ្មីមានទិន្នន័យ និង Hardware ថ្មីស្រឡាងក្នុងការប្រើប្រាស់ប្រចាំថ្ងៃ។ យ៉ាងណាមិញ ពេលប្រើអ៊ីនធឺណិត គួរមានការប្រុងប្រយ័ត្នខ្ពស់ពីសុវត្ថិភាពទិន្នន័យទាំងមានស្រាប់ និងបង្កើតថ្មី។

១) ប្រើកម្មវិធីកម្ចាត់មេរោគ

អ៊ីនធឺណិតមានតម្រូវការប្រើប្រាស់ខ្ពស់ក្នុងការស្រាវជ្រាវឯកសារ កម្សាន្ត ឬទាញយកកម្មវិធីប្រើប្រាស់។ ប៉ុន្តែបណ្ដុំទិន្នន័យទាំងនោះ ក៏អាចមានភ្ជាប់ជាមួយមេរោគអាចមានហានិភ័យដល់ទិន្នន័យក្នុងម៉ាស៊ីនអ្នកផងដែរ។

ប្រព័ន្ធប្រតិបត្តិការក៏មានមុខងារការពារសុវត្ថិភាពទិន្នន័យដែរ ប៉ុន្តែគួរប្រើបន្ថែមកម្មវិធីកម្ចាត់មេរោគ អាចជួយការពារពីបណ្តាលមេរោគថ្មីៗបាន។

២) ប្រើប្រព័ន្ធ VPN

បណ្ដាញ Wi-Fi នៅតាមហាងកាហ្វេ ប្រលានយន្តហោះ ឬសណ្ឋាគារ ភាគច្រើនអាចប្រើឥតគិតថ្លៃ។ ប៉ុន្តែគួរប្រយ័ត្ន ដោយសារទិន្នន័យរត់ចេញចូលតាមបណ្តាញ អាចនឹងមិនបានបម្លែង ជាពិសេសបើបណ្ដាញ Wi-Fi នោះត្រូវបានបន្លំដោយជនខិលខូច។

គួរប្រើ VPN (Virtual Private Networks) ពេលភ្ជាប់បណ្ដាញអ៊ីនធឺណិតនៅតាមទីសាធារណៈ អាចជួយការពារទិន្នន័យរត់ចេញចូលបាន។

៣) ប្រើកាបូបការពារ

គួរវិនិយោគលើកាបូប ការពារ Laptop មានសភាពក្រាស់បន្តិច និងមិនជ្រាបទឹក ងាយស្រួលផ្លាស់ទីដោយមិនបារម្ភ។

៤) Backup ទិន្នន័យ

ប្រព័ន្ធ Windows និង macOS មានមុខងារ Backup ផ្ទាល់ខ្លួន គួរប្រើប្រាស់ បង្ការហានិភ័យ ពេលប្រព័ន្ធដំណើរការមិនប្រក្រតី ងាយស្រួល Restore។ លើសពីនេះ គួរចម្លងឯកសារសំខាន់ៗមានលើ Laptop ដាក់លើ External ការពារក្រែង Disk ខូច ឬប្រើជម្រើសរក្សាទុកឯកសារលើ Online បាន មានទាំងឥតគិតថ្លៃ និងបង់កម្រៃសម្រាប់ទំហំផ្ទុកបន្ថែម៕