ឆ្មាខ្មៅមួយក្បាលរត់ពេញទីលានធ្វើឲ្យ Everton និង Wolves ត្រូវពន្យារពេលប្រកួតយ៉ាងយូរ (វីដេអូ)
- 2019-02-03 07:38:45
- ចំនួនមតិ 0 | ចំនួនចែករំលែក 0
ឆ្មាខ្មៅមួយក្បាលរត់ពេញទីលានធ្វើឲ្យ Everton និង Wolves ត្រូវពន្យារពេលប្រកួតយ៉ាងយូរ (វីដេអូ)
ចន្លោះមិនឃើញ
ការប្រកួតរវាង Everton និង Wolves នៅឯកីឡដ្ឋាន Goodison Park ត្រូវបានពន្យារពេលប្រមាណ៣នាទី បន្ទាប់ពីមានឆ្មាខ្មៅមួយក្បាលរត់អុកឡុកពេញលើទីលាន។
ក្រុម Wolves ទើបតែរកគ្រាប់បាល់ទី ៣ របស់ពួកគេតាមរយៈកីឡាករ Leander Dendoncker។ បន្តិចក្រោយមកក៏ស្រាប់តែឆ្មាមួយក្បាលបានសម្រេចចិត្តចូលទីលានដោយគ្មានការអនុញ្ញាត រត់ពីសំណាញ់ទីម្ខាងទៅម្ខាង។
មន្រ្តីរបស់ក្រុមម្ចាស់ផ្ទះ Everton ហាក់តឿនឲ្យក្រុមសន្តិសុខជួយពន្លឿន ដើម្បីចាត់វិធានការលើឆ្មាកំហូច ដែលបានមករារាំងបញ្ឈប់ការប្រកួតរបស់ពួកគេ ខណៈដែលក្រុមភ្ញៀវកំពុងនាំមុខ ១-៣ ហើយពេលវេលាក៏ខិតជិតដល់នាទីទី៧០។
ប្រមាណ៣នាទីក្រោយមក ឆ្មាខ្មៅក្លាហានត្រូវបានក្រុមសន្តិសុខបង្ខំឲ្យចេញពីទីលានវិញ តែពួកគេមិនហ៊ានប៉ះពាល់វាឡើយ ឯអ្នកគាំទ្រក្រុមម្ចាស់ផ្ទះក៏ហ៊ោអបអរការលារបស់ឆ្មាខ្មៅពី Goodison Park ដែលពួកគេហាក់ភ្លេចរឿងក្រុមរបស់ខ្លួនចាញ់ ព្រោះកំពុងរំភើបនឹងទិដ្ឋភាពកម្រនេះ។
សូមទស្សនាវីដេអូហាយឡាយ និង ទិដ្ឋភាពឆ្មាខ្មៅអុកឡុកពេញទីលាន៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
