Mekong Tigers បោះបង់ការប្រកួត រីឯ Davies Paints ឈ្នះនៅនាទីចុងក្រោយ

2014-11-17 16:23:22
ចំនួនមតិ 0 | ចំនួនចែករំលែក 0

ចន្លោះមិនឃើញ

លីកបាល់បោះជាតិឆ្នាំ២០១៤ វគ្គ៤ក្រុមចុងក្រោយនៅវិមានពហុកីឡដ្ឋានជាតិកាលពីម្សិលមិញនេះ គូទី១ ក្រុម Pate 310 ទទួលបានជ័យជម្នះក្រោយក្រុម Mekong Tigers បានបោះបង់ចោលការប្រកួតនៅប៉ុន្មាននាទីចុងក្រោយ ស្របពេលដែលគូបន្ទាប់ក្រុម Davies Paints ទទួលបានជ័យជម្នះលើ Emperors នៅនាទីចុងក្រោយដូចគ្នា។

គូបើកឆាកដំបូងក្រុម Mekong Tigers និង Pate 310 បានវាយសម្រុកគ្នាទៅវិញទៅមកយ៉ាងខ្លាំង ហើយមានពិន្ទុប្រដេញគ្នាទៅវិញទៅមកយ៉ាងប្រកៀកប្រកិតគ្នា ប៉ុន្តែដោយសារតែមានការប៉ះទង្គិចគ្នានៅប៉ុន្មាននាទីចុងក្រោយដែលធ្វើឲ្យ Mekong Tigers មិនពេញចិត្ត ហើយសម្រេចចិត្ដដើរចេញពីទីលាន ដូច្នេះលោកអាជ្ញាកណ្ដាលក៏សម្រេចផ្ដល់ជ័យជម្នះដល់ក្រុម Pate 310 តែម្ដង។

គូទី២ នៃវគ្គពាក់កណ្ដាលផ្ដាច់ព្រ័ត្រនេះ ក្រុម Davies Paints បានព្យាយាមប្រឹងប្រែងយ៉ាងខ្លាំង រហូតដល់វិនាទីចុងក្រោយ ហើយនៅទីបំផុតគេក៏ទទួលបានជ័យជម្នះលើក្រុម Emperors ក្នុងលទ្ធផលប្រផុតប្រផើយ ៦៩-៦៤។

យ៉ាងណាក្ដី ក្រុមដែលចាញ់នៅប្រកួតនេះមិនទាន់អស់ឱកាសនោះទេ ពីព្រោះគេអាចមានឱកាសឡើងវិញ ប្រសិនបើអាចវាយបកយកឈ្នះនៅប្រកួតទី២។

Mekong Tigers vs Pate 310