បាត់មុខតារាសម្ដែង ទេព វាសនា ២០ឆ្នាំ ឥឡូវទើបដឹងថា ជាមន្ត្រីថ្នាក់ខ្ពស់ក្នុងជួររដ្ឋាភិបាល
- 2019-02-12 09:51:34
- ចំនួនមតិ 0 | ចំនួនចែករំលែក 0
បាត់មុខតារាសម្ដែង ទេព វាសនា ២០ឆ្នាំ ឥឡូវទើបដឹងថា ជាមន្ត្រីថ្នាក់ខ្ពស់ក្នុងជួររដ្ឋាភិបាល
ចន្លោះមិនឃើញ
លោក ទេព វាសនា ដែលប្រិយមិត្តបានស្គាល់តាមរយៈការសម្ដែងក្នុងចម្រៀងខារ៉ាអូខេ និងភាពយន្តជាច្រើននោះកាលពីអតីតកាលនោះ បានបាត់មុខឈឹងអស់ពេលប្រមាណ ២០ឆ្នាំ និងទើបដឹងថ្ងៃនេះថា លោកនៅរស់ និងមានឋានៈជាមន្ត្រីជាន់ខ្ពស់របស់រដ្ឋាភិបាលផង។
ទំព័រ Movie Star Research របស់តារាចម្រៀង ស៊ិន ឧត្តមផល្លា បានបើកកកាយជុំវិញអតីតតារាសម្ដែង លោក ទេព វាសនា នៅថ្ងៃនេះ។ ការនេះ ដើម្បីឆ្លើយតបទៅនឹងចចាមអារ៉ាមកន្លកមកថា តារាសម្ដែង បានទទួលមរណភាព ក្រោយបាត់មុខឈឹងជាង ២០ឆ្នាំ។
តាមទំព័រស្រាវជ្រាវពីប្រវត្តិសិល្បករចាស់ៗខាងលើ បានឲ្យដឹងថា លោក ទេព វាសនា មិនបានទទួលមរណភាពដូចពាក្យចចាមអារ៉ាមឡើយ ពោលគឺ លោកនៅមានជីវិត និងថែមទាំងមានការងារល្អកំពុងកាន់កាប់ក្នុងដៃផង ដោយលោកមានងារជាឯកឧត្តមទៀតផង។ យ៉ាងណាក៏ដោយ ទំព័របណ្ដាញសង្គមដដែល មិនបានបញ្ចេញលម្អិតថាលោក មានមុខតំណេងជាអ្វី នៅក្នុងក្រសួងណាមួយរបស់រដ្ឋាភិបាលឡើយ។
ជាមួយការអះអាងថា ពីវត្តមានរបស់លោក ទេព វាសនា រូបថតបច្ចុប្បន្ន និងរូបអតីតកាលជាច្រើនសន្លឹករបស់លោក ត្រូវបានភ្ជាប់មកជាមួយ។ រូបទាំងនោះ បង្ហាញថា លោក ទេព វាសនា មានវ័យចាស់ជាងមុនច្រើន ដោយបច្ចុប្បន្នលោកបានឈានមកដល់វ័យ ៤៥ឆ្នាំទៅហើយ ហើយលោកមានកូនចំនួនបីនាក់ ស្រីពីរ ប្រុសមួយ កំពុងតែរស់នៅក្នុងស្រុកទាំងអស់គ្នា។
លោក ទេព វាសនា គឺជាអតីតតារាសម្ដែងដ៏ល្បីល្បាញតាំងពីទសវត្សរ៍ ៩០ ដោយគេនៅចាំបានថា គឺតារាសម្ដែងដ៏ល្បីឈ្មោះមួយរូប ក្នុងពិភព KARAOKE សឹងតែគ្រប់ផលិតកម្មអស់រយៈកាលជាង២០ឆ្នាំមកហើយ។ លោកបានដកខ្លួនចេញពីពិភពសិល្បៈ ឈឹងអំឡុងឆ្នាំ ២០០០ ដែលធ្វើឲ្យការបាត់ខ្លួននេះ មានចចាមអារ៉ាមថា លោកបានទទួលមរណភាពទៀតផង។
យ៉ាងណាក៏ដោយ កាលពីប្រមាណ១០ឆ្នាំមុន ធ្លាប់ព័ត៌មានម្ដងដែរថា លោក ទេព វាសនា បានចូលបម្រើការងារជាមន្ត្រីប៉ូលិសដែលកាន់តំណែងជាអធិការបម្រើការនៅក្នុងមូលដ្ឋានខណ្ឌឫស្សីកែវផង៕