កម្មវិធី ឌីជីថលកម្ពុជា ដ៏ធំនិងដំបូងបង្អស់ នឹងធ្វើនៅខែមីនាខាងមុខនេះហើយ!

2019-02-18 06:45:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធី Digital Cambodia 2019 នឹងប្រារព្ធឡើងលើកដំបូងបង្អស់ចាប់ពីថ្ងៃទី ១៥ ដល់ ១៧ ខែមីនាឆ្នាំ ២០១៩ នៅសាលពិព័រណ៍កោះពេជ្រ។

ពិពរណ៍បច្ចេកវិទ្យាថ្នាក់ជាតិដំបូងនេះ ធ្វើឡើងក្នុងគោលបំណងប្រមូលផ្ដុំគ្រប់ អ្នកពាក់ព័ន្ធក្នុងវិស័យឧស្សាហកម្ម IT និង ICT រួមមាន រាជរដ្ឋាភិបាល ពាណិជ្ជកម្មពហុជាតិ អាជីវកម្មចាប់ផ្ដើមថ្មី អ្នកមានវិជ្ជាជីវៈអាជីព និងគ្រឹះស្ថានសិក្សាស្រាវជ្រាវ ដើម្បីពិគ្រោះពិភាក្សាយោបល់ និងបង្ហាញនូវនិន្នាការថ្មីៗនៃ ការអភិវឌ្ឍន៍ក៏ដូចជា បញ្ហាប្រឈមនានាលើវិស័យឧស្សាហកម្ម IT និង ICT ក្នុងក្របខណ្ឌជាតិ និងអន្តរជាតិ។

ម្ចាស់កម្មវិធី វិទ្យាស្ថាន NIPTICT គាំទ្រដោយ ក្រសួងប្រៃសណីយ៍ និងទូរគមនាគមន៍ (MPTC) និងមូលនិធិនៃការ កសាងសមត្ថភាព និងការស្រាវជ្រាវ និងការអភិវឌ្ឍលើវិស័យទូរគមនាគមន៍ និងបច្ចេកវិទ្យាគមនាគមន៍ និងព័ត៌មាន (CBRD)។

អ្នកចូលរួមវិភាគទានធំទី ១ គឺ ក្រុមហ៊ុន Smart អ្នកចូលរួមវិភាគទានធំទី ១ គឺ ក្រុមហ៊ុន Metfone អ្នកឧបត្ថម្ភធំគឺ ក្រុមហ៊ុន Huawei និង CFOCN សហការរៀបចំកម្មវិធីដោយ ក្រុមហ៊ុន Sabay Digital Corp. និង Two Way PR៕