ឈ្នះភ្លាម! គ្រូបង្វឹកកម្ពុជា ថា គ្មានការព្រួយបារម្ភច្រើនទេ សម្រាប់ប្រកួតបន្ទាប់ព្រោះ...

2019-02-18 15:22:39
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Felix គ្រូបង្វឹកក្រុមជម្រើសជាតិក្រោមអាយុ ២២ ឆ្នាំកម្ពុជាមិនមានក្ដីជាក្ដីកង្វល់ច្រើនទេ សម្រាប់ការប្រកួតបន្ទាប់ជាមួយក្រុម U22 មីយ៉ាន់ម៉ានាថ្ងៃទី២០ ខែកុម្ភៈ ឆ្នាំ២០១៩ នៅពហុកីឡដ្ឋានជាតិវេលាម៉ោង៦:៣០ នាទីល្ងាច ពីព្រោះក្រុមកម្ពុជាបានត្រៀមខ្លួនរួចជាស្រេច។

លោក Felix

គ្រូបង្វឹករូបនេះបាននិយាយក្រោយពេលចប់ការប្រកួតដែលកម្ពុជាយកឈ្នះ U22 ម៉ាឡេស៊ីថា លោកមិនមានអ្វីព្រួយបារម្ភច្រើនទេ សម្រាប់ប្រកួតបន្ទាប់ ពីព្រោះកម្ពុជាបានត្រៀមខ្លួនជាស្រេចជាមួយកីឡាករ២៣នាក់ដែលសុទ្ធតែល្អៗ។ បើទោះប្រកួតនេះមានបញ្ហាកីឡាកររបួសខ្លះមែន ប៉ុន្តែមិនមានបញ្ហាអ្វីចោទទេ។

លោកយល់ថា ក្រុមមីយ៉ាន់ម៉ា និងឥណ្ឌូណេស៊ីសុទ្ធតែជាក្រុមខ្លាំង ប៉ុន្តែលោកក៏បានទស្សនាការប្រកួតរបស់ក្រុមទាំងពីររួចហើយដែរ ហើយលោកក៏បានត្រៀមខ្លួនរួចជាស្រេចក្នុងការលេងជាមួយក្រុមខ្លាំង។ បើនិយាយពីលទ្ធផលថ្ងៃនេះលោកពិតជាសប្បាយចិត្ត នឹងសង្ឃឹមថា ក្រុមកម្ពុជានឹងអាចរក្សាទម្រង់លេងបានល្អនៅប្រកួតបន្ទាប់។

ក្រុមយុវជនក្រោមអាយុ២២ឆ្នាំកម្ពុជាយកបាន៣ពិន្ទុហើយក្នុងពូល B នៃព្រឹត្តិការណ៍ខាងលើ ដូច្នេះគឺកំពុងកាន់កាប់កំពូលតារាងបណ្ដោះអាសន្ន ស្របពេលមីយ៉ាន់ម៉ា និងឥណ្ឌូណេស៊ីមានម្នាក់១ពិន្ទុបន្ទាប់ពីស្មើគ្នា១-១ ៕

អត្ថបទ៖ ស្រី សុវណ្ណដារ៉ា