ចាំអីទៀត បានតេស្ត Oppo R17 Pro ផ្ទាល់ ថែមបានជួបជាមួយអ្នកជំនាញថតរូបពេលយប់ទៀត

2019-02-20 09:46:47
ចំនួនមតិ 0 | ចំនួនចែករំលែក 0

ចន្លោះមិនឃើញ

“អ្នកជំនាញថតរូបពេលយប់”ទទួលបានការងឿងឆ្ងល់នៅលើបណ្ដាញសង្គមនាពេលថ្មីៗនេះតាមរយៈការ Post និងការ Share របស់ក្រុមតារាសម្ដែងល្បីៗនៅក្នុងប្រទេសកម្ពុជា។

យោងតាមការ Post របស់ក្រុមតារាសម្ដែង ពិធីករ និងពិធីការិនីល្បីៗ ទៅលើរូបថតមួយសន្លឹកដោយមានបុរសម្នាក់កាន់ កាមេរ៉ាថតរូប ទន្ទឹមគ្នាជាមួយនឹងទូរសព្ទ R17 Pro។ ទូរសព្ទ R17 Pro គឺជាប្រភេទម៉ូឌែលស្មាតហ្វូនថ្មីដែលក្រុមហ៊ុន OPPO បានផលិត ដើម្បីតម្រូវការមនុស្សទាន់សម័យ និង សម្រាប់អ្នកដែលស្រលាញ់ការថតរូបពេលយប់។

នៅថ្ងៃសុក្រ ថ្ងៃសៅរ៍ ទី២២-២៣ ខែកុម្ភៈ ឆ្នាំ២០១៩នេះ នឹងមានកម្មវិធីតាំងបង្ហាញម៉ូឌែលទូរសព្ទ R17 Pro នៅផ្សារទំនើប AEON 1, LIVELY PLAZA (ជាន់ផ្ទាល់ដី) ដើម្បីបង្ហាញពីសមត្ថភាពពិត នៃទូរសព្ទម៉ូឌែលនេះ។

ថ្ងៃតាំងបង្ហាញទូរសព្ទ R17 Pro អ្នកចូលរួមអាចទស្សនារូបថតដែលថតដោយទូរសព្ទ R17 Pro នាពេលរាត្រី ទាំងរូបភាពនៅក្នុងប្រទេសកម្ពុជា និង តាមបណ្ដាប្រទេសនានា។ មិនតែប៉ុណ្ណោះនៅក្នុងកម្មវិធីការតាំងបង្ហាញទូរសព្ទនោះ អ្នកក៏អាចទស្សនាដោយផ្ទាល់ និង ចាប់កាន់ទូរសព្ទថ្មី R17 Pro ថែមទាំអាចធ្វើតេស្តសមត្ថភាពថតរូបដោយខ្លួនឯង និង ជួបជាមួយនឹងអ្នកជំនាញផ្នែកថតរូបគ្រប់ប្រភេទកាមេរ៉ា ដែលនឹងបង្ហាញជូនពីបច្ចេកទេសនៃការថតរូបគ្រប់ប្រភេទបានទៀតផង ។

ទូរសព្ទម៉ូឌែលថ្មី R17 Pro បានរចនាជាពិសេស សម្រាប់មនុស្សសម័យថ្មី ជាមួយរូបរាងទាក់ទាញ ទាំងផ្នែក Hardware និង Software។ បច្ចេកវិទ្យាស្កេនក្រយៅដៃនៅលើអេក្រង់ទូរសព្ទ ផ្នែកខាងក្រោយទូរសព្ទមានពណ៌ Gradient បែបធម្មជាតិ និង បំពាក់ដោយកាមេរ៉ាក្រោយ៣គ្រាប់សម្រាប់ថតរូបពេលយប់ មានបច្ចេកទេសទប់លំនឹង OIS ដោយមិនខ្លាចញ័រ ដែលអាចធ្វើឲ្យរូបថតថតចេញពីម៉ូឌែលនេះមានគុណភាពខ្ពស់ដូចអ្នកជំនាញថតរូបពេលយប់ដូច្នោះដែរ។

បូករួមជាមួយបច្ចេកវិទ្យាសាកថ្មលឿន Super VOOC ដែលមានសុវត្ថិភាព អាចសាកថ្មបណ្តើរ និង ដំណើរការកម្មវិធីនានាបណ្ដើរ មាន RAM ទំហំ 8GB។

កុំភ្លេចចូលរួមធ្វើការតេស្ត និងថតរូបផ្ទាល់នៅថ្ងៃទី២២-២៣ ខែកុម្ភៈ ឆ្នាំ២០១៩ នៅផ្សារទំនើប AEON 1 ជាន់ផ្ទាល់ដី។

សម្រាប់ព័ត៌មានបន្ថែមសូមចូលទៅកាន់ Page ផ្លូវការរបស់ OPPO៖ https://www.facebook.com/OPPOCAMBODIA/

អត្ថបទ៖ ម៉េងងី