ឃើញបាក់ស្រឹប! ទូរសព្ទបត់ Huawei តម្លៃស្មើម៉ូតូទំនើប

2019-02-25 02:05:42
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីល្ងាចម្សិលមិញនេះ Huawei បានប្រកាសចេញផលិតផលថ្មីៗជាច្រើន ក្នុងនោះមានស្មាតហ្វូនម៉ូដែល Mate X ដែលជាស្មាតហ្វូនបត់ដំបូងគេរបស់ក្រុមហ៊ុនមួយនេះ។

ស្មាតហ្វូនបត់នេះមានលក្ខណៈខុសគ្នាពី Galaxy Fold របស់ Samsung ដោយ Mate ពន្លាចេញក្រៅ ចំណែក Galaxy Fold បត់ចូលក្នុង។ អេក្រង់ខាងមុខរបស់ Mate X មានលាតពេញផ្ទៃទំហំ ៦,៦ អ៊ីញ ហើយអេក្រង់ខាងក្រោយមានទំហំ ៦,៣៨ អ៊ីញ ពេលពន្លាចេញអស់មានទំហំ ៨ អ៊ីញ ដែលជាអេក្រង់ AMOLED។

ស្មាតហ្វូននេះអាចទ្រាំទ្រនឹងសេវា 5G ដែលអាចទាញយកវីដេអូទំហំ ១ GB ក្នុងពេលត្រឹមតែ ៣ វិនាទី។ បន្ទះឈីបដែលបំពាក់លើ Mate X គឺជា Kirin 980 មានល្បឿនរត់ ២,៦ GHz និងសន្សំសំចៃថាមពល។ វាមានអមដោយ RAM ទំហំ ៨ GB និងអង្គផ្ទុកទំហំ ៥១២ GB ព្រមទាំងមានថ្មទំហំ ៤៥០០ mAh ជាមួយបច្ចេកវិទ្យាសាកថ្មបានលឿន Huawei Supercharge។

កាមេរ៉ាបំពាក់លើ Mate X មានចំនួន ៣ គ្រាប់ដែលជាកាមេរ៉ាសហការផលិតជាមួយ Leica មានកាមេរ៉ាមេជាប្រភេទធម្មតា, កាមេរ៉ាទីពីរជា Telephoto និងទីបីជាកាមេរ៉ា Ultra-Wide។ កាមេរ៉ា ៣ គ្រាប់នេះក៏អាចប្រើប្រាស់សម្រាប់ថត Selfie បានផងដែរ។