ថ្មីទៀតហើយ ធ្លាយរូបភាព OnePlus 7 ប្រើកាមេរ៉ាមុខផុស

2019-03-04 03:03:27
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន OnePlus ត្រូវបានគេរំពឹងទុកថានឹងចេញផ្សាយស្មាតហ្វូនជំនាន់ថ្មីរបស់ខ្លួននាពាក់កណ្តាលឆ្នាំ ២០១៩ នេះ ដោយទំនងជាម៉ូឌែល OnePlus 7 គាំទ្រដល់ការប្រើប្រាស់អ៊ីនធឺណិតល្បឿនលឿន 5G។

ទន្ទឹមនេះក៏មានការលេចធ្លាយនូវរូបភាព Render ជាច្រើនសន្លឹក ពីគណនី @OnLeaks លើបណ្តាញសង្គម Twitter ដែលជឿថាជារចនាបថពិតៗនៃស្មាតហ្វូនសេរ៊ីឆ្នាំ ២០១៩ របស់ក្រុមហ៊ុនប្រទេសចិន។

ក្នុងនោះគេឃើញមានចំណុចរសើបត្រង់ការអភិវឌ្ឍផ្ទៃអេក្រង់ពេញ គ្មានស្នាមឆកឬគ្រហួងណាមួយ ដោយឡែកច្នៃទៅប្រើប្រាស់កាមេរ៉ាមុខបែបផុស (Pop-Up Camera)នៅផ្នែកខាងលើតួម៉ាស៊ីន ដូចគូប្រជែង Vivo V15 Pro និង Oppo F11 Pro។

ផ្នែកខាងក្រោយមានប្រើប្រាស់កាមេរ៉ា ៣ គ្រាប់ស្ថិតនៅជួរបញ្ឈរ អមភ្លើង LED ប៉ុន្តែគ្មានទ្រនាប់ស្កេនខ្ចៅដៃ ពោលជាការជឿជាក់ថាម៉ូឌែលនេះអាចរំពឹងប្រើមុខងារស្កេនខ្ចៅដៃបង្កប់ក្រោមអេក្រង់ទៀតផង។

ទស្សនាវីដេអូខាងក្រោម៖

បញ្ជាក់ថាចំពោះតម្លៃជំនាន់ OnePlus 7 ធម្មតាអាចក្បែរ ៦០០ ដុល្លារ ខណៈប្រភេទប្រើប្រាស់ 5G អាចហក់ខ្ពស់ជាងនេះ ប៉ុន្តែក៏មិនដល់ ១ ពាន់លានដុល្លារនោះដែរ នេះបើតាមការសន្យាកន្លងមករបស់នាយកប្រតិបត្តិនៃក្រុមហ៊ុន OnePlus ផ្ទាល់ធ្លាប់លើកឡើង។