ដឹងអត់ ដើម្បីក្លាយខ្លួនជាតារាថៃ តើមនុស្សមួយចំនួនផ្សងវាសនាតាមវិធីណាខ្លះ?

2019-03-05 03:13:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រឡេកទៅមើលយុវវ័យមួយចំនួននាពេលបច្ចុប្បន្ន ពួកគេចង់ក្លាយខ្លួនជាតារាណាស់ ព្រោះថាវាជាឱកាសទទួលបានក្ដីស្រឡាញ់ពីសំណាក់អ្នកគាំទ្រជាច្រើន នៅពេលល្បីឈ្មោះ ហើយថែមទាំងអាចរកលុយបានច្រើនទៀតពីអាជីពនេះ។

ងាកទៅវិថីសិល្បៈថៃ មានមនុស្សមិនតិចទេ ដេកស្រមៃចង់ក្លាយជាដួងតារា អ៊ីចឹងចង់ដឹងថា តើដើម្បីក្លាយជាមនុស្សជាទីស្រឡាញ់របស់មហាជន តើពួកគេអាចសាកល្បងផ្សងសំណាងតាមវិធីអ្វីខ្លះ? សូមជ្រាបដូចតទៅ៖

១. តាមរយៈការប្រឡងសមត្ថភាព

ក្មេងៗដែលចង់ក្លាយជាតារា តែងតែចូលរួមប្រកួតក្នុងកម្មវិធីជាច្រើន។ កម្មវិធីទាំងនោះ មានច្រើនប្រភេទខុសៗគ្នាក្នុងប្រទេសថៃ ដូចជាកម្មវិធីប្រកួតប្រឡងចម្រៀង បង្ហាញម៉ូត ប្រកួតសម្រស់ និងតារាសម្ដែងផ្សេងៗជាច្រើន។

២. តាមរយៈបណ្ដាញសង្គម

បច្ចុប្បន្នយុវជនមួយចំនួន មានឈ្មោះល្បីមុនទៅហើយ មុនពួកគេក្លាយជាតារា ព្រោះអ្នកទាំងនោះសុទ្ធតែជាអ្នកដែលបានប្រឡូកក្នុងបណ្ដាញសង្គម តាមរយៈការបង្ហាញមុខនានានៅលើគណនីសង្គម ដូចជា Instagram និង YouTube ជាដើម។ ជាឧទាហរណ៍ជាក់ស្ដែង តារាសម្ដែង Toey Jarinporn ក៏ជាអតីតអ្នកដែលល្បីឈ្មោះសុសសាយតាមរយៈបណ្ដាញសង្គម មុនបានក្លាយជាតារាដែរ។

៣. ពេលទៅលេងផ្សារទំនើបធំៗ

អ្នកមានវ័យជំទង់មួយចំនួនដែលមានសម្រស់ស្រស់ស្អាត តែងចំណាយពេលទៅលេងផ្សារទំនើបជាញឹកញាប់ ព្រោះក្រៅពីដើរមើលទំនិញថ្មីៗ និងកម្សាន្តអារម្មណ៍ជាមួយនៅកន្លែងកម្សាន្តផ្សេងៗ ក្នុងនោះពួកគេក៏អាចត្រូវបានកត់ចំណាំ ដោយបុគ្គលិក Agency របស់ផលិតកម្មជាច្រើនដោយមិនដឹងខ្លួនទៀតផង៕

ប្រភព៖ Thai Update ប្រែសម្រួល៖ យី សុធារី