គួរឲ្យស្ដាយ! ផ្សោតកម្រមួយប្រភេទ ត្រូវព្យាករណ៍ថានឹងដាច់ពូជនៅខែមិថុនាឆ្នាំ ២០១៩
- 2019-03-12 03:40:20
- ចំនួនមតិ 0 | ចំនួនចែករំលែក 0
គួរឲ្យស្ដាយ! ផ្សោតកម្រមួយប្រភេទ ត្រូវព្យាករណ៍ថានឹងដាច់ពូជនៅខែមិថុនាឆ្នាំ ២០១៩
ចន្លោះមិនឃើញ
សត្វផ្សោតកម្រមួយប្រភេទ Vaquita ត្រូវបានជីវវិទូម៉ិកស៊ីកូព្យាករណ៍ថាអាចនឹងដាច់ពូជនាខែមិថុនាឆ្នាំ ២០១៩ខាងមុខនេះ។
ការព្យាករណ៍ត្រូវបានធ្វើឡើងក្រោយពេលដែលចំនួននៃសត្វផ្សោតដ៏កម្រ កំពុងធ្លាក់យ៉ាងគំហុកមកសល់ត្រឹមប្រមាណ ២២ក្បាលប៉ុណ្ណោះនៅឈូងសមុទ្រកាលីហ្វរញ៉ា។ សត្វផ្សោត Vaquita ត្រូវបានគេស្គាល់ថាជាពូជតូចជាងគេបំផុតដែលមានប្រវែងត្រឹម ១,៥ម៉ែត្រប៉ុណ្ណោះហើយពឹងផ្អែកលើត្រី និងមឹកជាអាហារ។ ប៉ុន្តែដោយសារតែការបំពុលបរិស្ថាន និងការបាត់បង់ជម្រក ទើបធ្វើឲ្យចំនួន Vaquita ធ្លាក់ចុះជាបន្ដបន្ទាប់រហូតឈានដល់ជិតផុតពូជ។
ជាមួយគ្នាដែរ សត្វត្រីប្រភេទ Totoaba ក៏ត្រូវបានអ្នកជំនាញព្រួយបារម្ភថាប្រឈមមុខនឹងការដាច់ពូជក្នុងពេលឆាប់ៗនេះដោយសារតែការនេសាទខុសច្បាប់ច្រើនលើសលប់ និងតម្រូវការត្រីប្រភេទនេះច្រើនក្នុងប្រទេសចិនដែលធ្វើឲ្យពួកវាមានតម្លៃខ្លាំងក្នុងទីផ្សារងងឹត៕