គួរឲ្យសរសើរ! ទាំងខ្មែរ និងបរទេសផ្អើលនាំគ្នាលេង Challenge ថ្មីប្រមូលសំរាមខ្ទេចគ្មានសល់
- 2019-03-12 06:36:51
- ចំនួនមតិ 0 | ចំនួនចែករំលែក 0
គួរឲ្យសរសើរ! ទាំងខ្មែរ និងបរទេសផ្អើលនាំគ្នាលេង Challenge ថ្មីប្រមូលសំរាមខ្ទេចគ្មានសល់
ចន្លោះមិនឃើញ
កាលពីពេលថ្មីៗនេះ Challenge ថ្មីនៅក្នុងបណ្ដាញសង្គមហ្វេសប៊ុកកំពុងទទួលភាពល្បីល្បាញខ្លាំងពីជុំវិញពិភពលោកដោយអ្នកប្រើប្រាស់ជាច្រើននាំគ្នាប្រមូលសំរាមហើយថតរូបខុសប្លែកពីគ្នាមុននិងក្រោយ។
Challenge ថ្មីដែលឈ្មោះ #trashtag ត្រូវបានគេមើលឃើញថាមានមនុស្សជាច្រើនចូលរួមដោយសម្អាតតាមឆ្នេរខ្សាច់, សួនច្បារ និងតាមដងផ្លូវដែលពោរពេញដោយសំរាមនៅតាមសហគមន៍របស់ពួកគេ។ មនុស្សជាច្រើន បានទទួលការជំរុញទឹកចិត្តឲ្យចូលរួមលេង Challenge នេះតាមរយៈការបង្ហោះក្នុងហ្វេសប៊ុក ហើយទទួលបានការកើតសរសើរពីអ្នកប្រើប្រាស់ផ្សេងទៀតសម្រាប់ទង្វើដែលជួយដល់បរិស្ថានរបស់ពួកគេ។ តាមពិតទៅ Challenge មានរយៈពេលប៉ុន្មានឆ្នាំមកហើយ ប៉ុន្តែទើបតែទទួលភាពល្បីល្បាញជុំវិញពិភពលោកក្នុងរយៈពេលប៉ុន្មានសប្ដាហ៍ចុងក្រោយនេះដែលជះឥទ្ធិពលល្អដល់សង្គម។
ក្រឡេកមកមើលយុវជនខ្មែរមួយចំនួនវិញ ពួកគេក៏បានចូលរួមលេង Challenge នេះដោយចាប់ផ្ដើមសម្អាតកន្លែងចោលសំរាមនៅតាមដងផ្លូវក្នុងសហគមន៍។ ក្នុងនោះ អ្នកប្រើប្រាស់បណ្ដាញសង្គមជាច្រើនបានសម្ដែងការកោតសរសើរចំពោះពួកគេដែលចូលរួមលេង Challenge មានប្រយោជន៍ដល់សង្គមជាតិ ជាជាង Challenge បញ្ចេញកេរ្តិ៍ខ្មាសដែលនាំឲ្យប៉ះពាល់ដល់វប្បធម៌ និងប្រពៃណី៕