គ្រូ Spurs បានបង្ហាញមុខក្នុងប្រកួតឈុតយុវជនរបស់ Barcelona
- 2019-03-13 13:05:08
- ចំនួនមតិ 0 | ចំនួនចែករំលែក 0
គ្រូ Spurs បានបង្ហាញមុខក្នុងប្រកួតឈុតយុវជនរបស់ Barcelona
ចន្លោះមិនឃើញ
អ្នកចាត់ការក្លឹប Tottenham Hotspur លោក Mauricio Pochettino ត្រូវបានគេប្រទះឃើញក្នុងប្រកួត UEFA Youth Leauge រវាងឈុតក្រោមអាយុ ១៩ឆ្នាំរបស់ក្លឹប Barcelona និងឈុតក្រោមអាយុ ១៩ឆ្នាំរបស់ក្លឹប Hertha Berlin កាលពីថ្ងៃអង្គារកន្លងទៅ។
បុរសជនជាតិអាហ្សង់ទីនរូបនេះ ត្រូវបានអមដំណើរជាមួយគ្រូបង្វឹកក្លឹប Tottenham Hotspur លោក Toni Jimenez និងមិត្តភ័ក្ដិជិតស្និទ្ធរបស់លោកគឺ Ivan de la Pena។
ការដែលមកមើលការប្រកួតនេះគឺដោយសារតែ Pochettino នៅមានទំនាក់ទំនងជិតស្និទ្ធជាមួយនឹងអ្នកទីក្រុង Barcelona ដោយសារតែលោកធ្លាប់ប្រកបអាជីពជាកីឡាករនៅក្លឹប Espanyol ៨រដូវកាល និងធ្វើជាគ្រូបង្វឹកនៅក្លឹបដដែលនេះ ៣រដូវកាលថែមទៀត។
ក្នុងប្រកួតនេះដែរ U-19 របស់ Barcelona បានយកឈ្នះក្រុមមកពីអាល្លឺម៉ង់ក្នុងលទ្ធផល ៣ ទល់នឹង ០ ហើយឡើងទៅជួប U-19 Lyon នៅវគ្គ ៨ក្រុមចុងក្រោយ។
គួរបញ្ជាក់ផងដែរថា ក្លឹប Tottenham Hotspur បានឡើងទៅវគ្គ ៨ក្រុមចុងក្រោយនៃ UEFA Champions League ក្រោយពីបំបាក់ក្លឹប Dortmund ទាំង ២ជើង៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
