UEFA ចោទប្រកាន់ Ronaldo ពីបទប្រព្រឹត្តិអាកប្បកិរិយាមិនសមរម្យពេលប៉ះ AT. Madrid
- 2019-03-18 13:08:17
- ចំនួនមតិ 0 | ចំនួនចែករំលែក 0
UEFA ចោទប្រកាន់ Ronaldo ពីបទប្រព្រឹត្តិអាកប្បកិរិយាមិនសមរម្យពេលប៉ះ AT. Madrid
ចន្លោះមិនឃើញ
កាលពីអម្បាញ់មិញនេះ សហភាពបាល់ទាត់អឺរ៉ុបហៅកាត់ថា UEFA បានចេញសេចក្ដីថ្លែងការណ៍ថា ចោទប្រកាន់ក្បាច់អបអររបស់ខ្សែប្រយុទ្ធក្លឹប Juventus កីឡាករ Cristiano Ronaldo ក្រោយពេលឈ្នះក្លឹប Atletico Madrid កាលពីថ្ងៃទី១២ ខែមីនា ជាអាកប្បកិរិយាមួយដែលមិនសមរម្យ។
បើតាមសេចក្ដីថ្លែងការណ៍ដដែលបានឲ្យដឹងថា គណៈកម្មការវិន័យរបស់ UEFA នឹងជួបប្រជុំសម្រេចពីរឿងនេះបន្តទៀត នៅថ្ងៃទី២១ ខែមីនា ខាងមុខ។
យ៉ាងណាក៏ដោយ ខ្សែប្រយុទ្ធព័រទុយហ្គាល់រូបនេះប្រឈមមុខនឹងអវត្តមានក្នុងប្រកួតវគ្គ ៨ក្រុមចុងក្រោយនៅ UEFA Champions Leauge ប៉ះនឹងក្លឹបហុល្លង់ Ajax ព្រមទាំងបង់ប្រាក់ពិន័យរាប់ម៉ឺនដុល្លារទៀតផង។
ទោះជាយ៉ាងណា កីឡាកររូបនេះ អាចនឹងត្រូវបានពិន័យជាទំហំសាច់ប្រាក់ដ៏ច្រើនសន្ធឹកសន្ធាប់ប៉ុណ្ណោះ ប៉ុន្តែរូបគេអាចចូលជួយក្រុមបានធម្មតា។
គួររម្លឹកផងដែរថា ខ្សែប្រយុទ្ធវ័យ ៣៤ឆ្នាំរូបនេះ បានជួយក្លឹប Juventus ទម្លាក់ក្លឹប Atletico Madrid និងឡើងទៅលេងវគ្គ ៨ក្រុមចុងក្រោយបន្ត ដោយសារតែ ៣គ្រាប់របស់ខ្លួន កាលពីប៉ុន្មានថ្ងៃមុននេះ។ នៅពេលនោះដែរ Roanldo ក៏បានត្រាប់ក្បាច់អបអររបស់គ្រូបង្វឹក ក្លឹប Atletico Madrid លោក Diego Simone ដែលក្បាច់អបអរនេះហើយបានផាកពិន័យ Simone អស់ ២៣,០០០ដុល្លារកាលពីពេលថ្មីៗនេះ៕