Offside មានប្រវត្តិតាំងពីជាង១៥០ឆ្នាំមុន ព្រោះខ្សែប្រយុទ្ធម្ខាងៗមានរហូតដល់ ៨នាក់

2019-03-25 07:59:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ត្រលប់ទៅនិយាយអំពីប្រវត្តិ offside ឬ ជំហរក្រៅល្បែង (ការកំណត់ហៅដោយសហព័ន្ធបាល់ទាត់កម្ពុជា) កាលពីជាង១៥០ឆ្នាំមុន កាលណោះខ្សែប្រយុទ្ធម្ខាងៗមានរហូតដល់ ៨នាក់ ឯណោះ ស្រដៀងនឹងពេលកុមារភាព ដែលយើងស្ទើរគ្រប់គ្នាលេងបាល់ចង់តែធ្វើខ្សែប្រយុទ្ធ។

ម្ល៉ោះហើយចាប់ពីឆ្នាំ ១៨៦៣ ដើម្បីកុំឲ្យខ្សែប្រយុទ្ធដ៏ច្រើនលើសលប់កេងចំណេញចាំស៊ុតស្រួលៗពេក សមាគមកីឡាបាល់ទាត់អង់គ្លេស ហៅកាត់ថា FA ក៏បានបង្កើតច្បាប់ offside នេះឡើង។

ច្បាប់ offside មានការកែប្រែច្រើនដំណាក់កាលទម្រាំឈានមកដល់ការវិវត្តនៅដំណាក់កាលចុងក្រោយនាពេលបច្ចុប្បន្នដូចដែលយើងបានឃើញ។

ច្បាប់ offside ដំបូងៗ

អង់គ្លេស និង ស្កុតឡែន ក្នុងឆ្នាំ ១៨៧០ ប្រហែលជាការប្រកួតរវាងប្រទេស២ដំបូងបង្អស់ក្នុងប្រវត្តិសាស្រ្តបាល់ទាត់

ច្បាប់ offside ដំបូងបំផុតគឺ កីឡាករចាត់ទុកថា offside នៅពេលគេឈរពីមុខបាល់។ និយាយបែបផ្សេង បើអូសឬញាក់គូបដិបក្ខចង់ទាញបាល់ដល់ណាក៏បាន ប៉ុន្តែបើបញ្ជូនអាចធ្វើបានត្រឹមបោះឆ្វេងស្កាំឲ្យស្របនឹងខ្លួន ឬ មកក្រោយប៉ុណ្ណោះ។

លុះដល់ឆ្នាំ ១៨៦៦ ត្រូវបានកែប្រែ ឲ្យឈ្មោះហៅថា "three-player rule” បានន័យថា កីឡាករមិន offside ឡើយបើគេនៅចន្លោះកីឡាករ៣នាក់របស់គូបដិបក្ខ។

ដើមសតវត្សទី ២០

១៩០៣ នៅមិន offside ឡើងបើទុកជាគេនៅក្នុងតំបន់ offside ប្រសិនបើមិនធ្វើចលនា។ មកដល់ឆ្នាំ ១៩២១ ការគប់ទុះ (បោះបាល់ចូលទីលាន) មិនចេះ offside ឡើយ ដែលក្បួនច្បាប់ទាំង២នេះនៅបន្តប្រើមិនដល់បច្ចុប្បន្ន។

កែប្រែខ្លាំងចាប់ពីឆ្នាំ ១៩២៥

ការប្រកួតរវាង អង់គ្លេស និង ស្កុតឡែន ក្នុងឆ្នាំ១៩៧៧

The Guadian បានរាយការណ៍ថានៅពេលដែលក្រុម Newcastle មិនអាចរកបានសូម្បី១គ្រាប់សម្រាប់៦ប្រកួតជាប់ៗគ្នានៅពេលដែលខ្សែប្រយុទ្ធទាំងទ្វេរបស់ខ្លួនគឺកីឡាករ Frank Hudspeth និង Bill McCracken ញៀននឹងការ offside។

FA ដាក់សំណើ២ដើម្បីជាដំណោះស្រាយ ទី១ បន្ថយពី offside បើឈរផុតខ្សែការពារ៣នាក់ចុងក្រោយ មកត្រឹមខ្សែការពារ២នាក់វិញ និង ទី២ វាស់ប្រវែងបើកីឡាករឈរលើសពី ៣៧ ម៉ែត្រពីទីទៅ ធ្វើចលនាយ៉ាងណាក៏មិន offside ឡើយ។

រដូវកាល ១៩២៥-២៦ គ្រាប់បាល់គិតជាមធ្យមក្នុង១ប្រកួតមានអត្រាខ្ពស់រហូតដល់ ៣,៦៩ អាចថាដោយសារលទ្ធផលដែលបណ្ដាលមកពីការទុកចន្លោះប្រហោងដល់ទៅជិត៤០ម៉ែត្រ អនុញ្ញាតឲ្យខ្សែប្រយុទ្ធលេង១ទល់១ជាមួយអ្នកចាំទី។

ក្រោយមកក្រុមប្រឹក្សាភិបាលអន្តរជាតិ ( International Board) បានកែប្រែច្បាប់នេះបន្តទៀត។ បន្តិចម្តងៗ ច្បាប់ offside បានវិវត្តដែលកីឡាករ offside តែស្មាបន្តិចក៏អាជ្ញាកណ្ដាលចាប់ ហើយចុងក្រោយបំផុត VAR ត្រូវបានដាក់ឲ្យប្រើដើម្បីសម្រេច offside ឲ្យកាន់តែមានភាពសុក្រឹត៕

ប្រភព៖ theguardian | FIFA ប្រែសម្រួល៖ សុខ លាងហ៊ត