ប្រធានាធិបតីអាមេរិកតែមួយរូបគត់ដែលកាន់តំណែងលើសពី ២អាណត្តិ
- 2019-03-25 11:05:01
- ចំនួនមតិ 0 | ចំនួនចែករំលែក 0
ប្រធានាធិបតីអាមេរិកតែមួយរូបគត់ដែលកាន់តំណែងលើសពី ២អាណត្តិ
ចន្លោះមិនឃើញ
ជានិច្ចកាល ប្រធានាធិបតីនៃសហរដ្ឋអាមេរិកកាន់តំណែងយ៉ាងច្រើនណាស់តែ ២អាណត្តិ ឬ ៨ឆ្នាំប៉ុណ្ណោះ ផ្ទុយទៅវិញ ប្រធានាធិបតីសហរដ្ឋអាមេរិកលោក Franklin Delano Roosevelt ជាប់ឆ្នោតដល់ទៅ ៤ដង ឯណោះ ហើយកាន់តំណែងបានរយៈពេល ១៣ឆ្នាំ ចាប់តាំងពីឆ្នាំ១៩៣២ រហូតដល់ មរណភាពរបស់លោកនៅពាក់កណ្ដាលឆ្នាំ១៩៤៥។
លោកជាប្រធានាធិបតីដែលបានដឹកនាំសហរដ្ឋអាមេរិកក្នុងស្ថានភាពដែលមានបញ្ហាពីរធំៗ គឺ វិបត្តិសេដ្ឋកិច្ចឆ្នាំ១៩២៩ និងជាពិសេសគឺ សង្គ្រាមលោកលើកទី២។
ក្នុងពីរអាណត្តិដំបូង លោកបានដោះស្រាយវិបត្តិសេដ្ឋកិច្ចដែលមិនធ្លាប់មានក្នុងប្រវត្តិសាស្ត្រសហរដ្ឋអាមេរិក ដោយប្រជាជនជាង ២លានគ្មានជម្រក និងធនាគាររាប់រយបានបិទទ្វារ។ នៅពេលនោះ លោកបានចេញគោលនយោបាយផែនការថ្មី (New Deal) ដែលបានបង្កើតការងារជូនប្រជាជន និងកែសម្រួលប្រព័ន្ធធនាគារជាដើម។
ដោយសារតែស្នាដៃរបស់លោកក្នុងការដោះស្រាយវិបត្តិសេដ្ឋកិច្ច លោកត្រូវបានជាប់ឆ្នោតក្នុងអាណត្តិទី៣ និងអាណត្តិទី៤ ដើម្បីដឹកនាំអាមេរិកក្នុងសង្គ្រាមលោកលើកទី២។ នៅពេលដំបូងៗ លោកប្រកាន់គោលនយោបាយអព្យាក្រឹត្យដោយមិនប្រឡូកចូលសង្គ្រាមលោកលើកទី២ តែលោកបានដាក់គំនាបសេដ្ឋកិច្ចប្រទេសជប៉ុន ដែលកំពុងបើកប្រតិបត្តិការឈ្លានពានទ្វីបអាស៊ីទាំងមូល។
លុះខែធ្នូ ឆ្នាំ១៩៤១ ជប៉ុនបានបើកការវាយប្រហារនៅកំពង់ផែ Pear Habour ដែលធ្វើឲ្យអាមេរិកលូកដៃចូលសង្គ្រាមលោកលើកទី២ ដោយប្រកាសសង្គ្រាមនឹងជប៉ុន និងអាល្លឺម៉ង់។ ក្នុងសម័យសង្គ្រាម លោកបានចូលរួមតាក់តែងសន្ធិសញ្ញាជាច្រើន ជាមួយនឹងពួកសម្ព័ន្ធមិត្ត។ ជាអកុសល នៅខែមេសា ឆ្នាំ១៩៤៥ មុនពេលចប់សង្គ្រាមលោក FDRបានទទួលមរណភាពដោយជំងឺស្លាប់មួយចំហៀងខ្លួន៕