ចេញគំនូរព្រាង iPhone ស៊េរីថ្មី កាមេរ៉ា ៣ គ្រាប់

2019-03-29 02:11:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ចចាមអារ៉ាមកន្លងមកបានឲ្យដឹងថា Apple បានត្រៀមការអាប់ដេតជាច្រើនសម្រាប់ iPhone ដែលចេញនៅចុងឆ្នាំនេះ។ ក្នុងនោះរួមមាន iPhone XR ស៊េរីថ្មីដែលមានកាមេរ៉ា ២ គ្រាប់ និង iPhone 11 ដែលមានកាមេរ៉ា ៣ គ្រាប់។

រូបគំនូរព្រាងថ្មីបានលេចចេញឡើង ដែលអះអាងថាជាគំនូរព្រាងរបស់ iPhone XR ស៊េរីថ្មី ប៉ុន្តែវាអាចជាគំនូរព្រាងរបស់ iPhone 11 ទៅវិញទេ។ រូបភាពថ្មីចុងក្រោយនេះចែករំលែកដោយគណនីឈ្មោះថា laobaiTD ដែលពីមុនមកក៏ធ្លាប់បង្ហាញរូបរាងគំរូផលិតផល Apple ផងដែរ។

រូបភាពនេះបង្ហោះដោយអមជាមួយ Caption ថា "New XR”។ យ៉ាងណាក្ដីរូបភាពនេះគឺស៊ីគ្នានឹងរូបភាព Render របស់ iPhone 11 ដែលចេញកន្លងមក បង្កើតឡើងដោយផ្អែកលើរូបគំនូរព្រាងដែលបានលេចធ្លាយ ហើយរូប Render នេះដែរ ចេញមកពីប្រភពគួរឲ្យទុកចិត្តឈ្មោះថា OnLeaks។

រូបភាព Render ចេញកាលពីខែមករាកន្លងទៅ

iPhone 11 មានចចាមអារ៉ាមថានឹងមានបំពាក់កាមេរ៉ា ៣ គ្រាប់នៅផ្នែកខាងក្រោយ ដែលរៀបចំជាងរាងបួនជ្រុង។ ក្នុងរូបភាពគំនូរព្រាងគេឃើញមានរន្ធចំនួន ៥ ដោយរន្ធ ៣ ជារន្ធកាមេរ៉ា ហើយផ្សេងទៀតអាចជារន្ធ Flash និងរន្ធមីក្រូហ្វូន។

ចំណែក iPhone XR ស៊េរីថ្មីវិញ លេចឮថានឹងមានបំពាក់កាមេរ៉ាចំនួនពីរគ្រាប់នៅខាងក្រោយ។ គេសន្និដ្ឋានថាការរៀបចំកាមេរ៉ាលើ iPhone XR ស៊េរីថ្មី អាចនឹងដូចគ្នានឹង iPhone XS ដែលមានបំពាក់កាមេរ៉ា ២ គ្រាប់ដូចគ្នា៕

ចុចអាន៖

ប្រភព៖ 9to5Mac ប្រែសម្រួល៖ សុខហេង