ស្លូវ៉ាគីរកឃើញប្រធានាធិបតីស្ត្រីលើកដំបូងបង្អស់ក្នុងប្រវត្តិសាស្ត្ររបស់ខ្លួនហើយ
- 2019-04-01 11:14:36
- ចំនួនមតិ 0 | ចំនួនចែករំលែក 0
ស្លូវ៉ាគីរកឃើញប្រធានាធិបតីស្ត្រីលើកដំបូងបង្អស់ក្នុងប្រវត្តិសាស្ត្ររបស់ខ្លួនហើយ
ចន្លោះមិនឃើញ
ក្នុងការបោះឆ្នោតជាតិស្លូវ៉ាគីកាលពីម្សិលមិញនេះ ប្រទេសស្លូវ៉ាគីរកឃើញប្រធានាធិបតីស្ត្រីដំបូងគេបង្អស់ក្នុងប្រវត្តិសាស្ត្ររបស់ខ្លួនហើយគឺ អ្នកស្រី ហ្ស៊ូហ្សាណា កាពូតូវ៉ា (Zuzana Caputova)។
អ្នកស្រីស្ទើរតែគ្មានបទពិសោធន៍ក្នុងឆាកនយោបាយសោះ តែអាចយកឈ្នះបេក្ខភាពរបស់គណបក្សកាន់អំណាច លោក ម៉ាកូស សេហ្វកូវិច (Marcos Sefcovic) ដែលជាអ្នកនយោបាយពោរពេញដោយបទពិសោធន៍ និងជាអនុប្រធាននៃគណៈកម្មការអឺរ៉ុប (European Commisson) (ស្ថាប័នតាក់តែងច្បាប់ សន្ធិសញ្ញាផ្សេងៗរបស់សហភាពអឺរ៉ុប)។
អ្នកស្រី ហ្ស៊ូហ្សាណា មកពីគណបក្សវឌ្ឍនភាពសេរីនិយមស្លូវ៉ាគី ដែលគ្មានអាសនៈក្នុងសភា តែក្នុងការបោះឆ្នោតលើកនេះ អ្នកស្រីទទួលបានសំឡេងឆ្នោត ៥៨% រីឯលោក ម៉ាកូស ទទួលបាន ៤២%។
អ្នកស្រីមាននិន្នាការទំនោរទៅរកអឺរ៉ុប ជាអ្នកសេរីនិយមដែលគាំទ្រលើការស្រលាញ់ភេទដូចគ្នា ខណៈប្រទេសស្លូវ៉ាគីមិនទាន់មានច្បាប់អនុញ្ញាតលើការរៀបអាពាហ៍ពិពាហ៍ភេទតែមួយ និងការយកកូនចិញ្ចឹមឡើយ។
អ្នកស្រីនឹងស្បថចូលកាន់តំណែងនៅខែមិថុនា ឆ្នាំនេះ បន្ទាប់ពីលោកប្រធានាធិបតី អេនឌ្រេជ គីស្កា (Andrej Kiska) អស់អាណត្តិ។
ចំពោះក្នុងជីវិតគ្រួសារអ្នកស្រីវិញ ហ្ស៊ូហ្សាណាលែងលះជាមួយស្វាមីអ្នកស្រី និងមានកូនចំនួន ២៕