ក្នុង​សន្និសីទ​មុន​ការ​ប្រកួត​ទល់​នឹង​ក្លឹប​ Eibar គ្រូ​បង្វឹក​ក្លឹប​ Real Madrid លោក Zinedine Zidane បាន​លើកឡើង​ថា​ កូន​ក្រុម​របស់​ខ្លួន​មាន​បញ្ហា​ក្នុង​ការ​រក​គ្រាប់​បាល់​ ដែល​ជា​បញ្ហា​នាំ​ក្លឹប​ជួប​លទ្ធផល​មិន​ល្អ​ក្នុង​រដូវ​កាល​នេះ។

លោក​បាន​និយាយ​ថា​៖ " ឆ្នាំ​ក្រោយ​យើង​នឹង​ឃើញ​ពី​អ្វី​ដែល​យើង​អាច​ធ្វើ​ទាក់ទង​នឹង​បញ្ហា​គ្រាប់​បាល់។ ឆ្នាំ​នេះ​វា​ធ្វើ​ឲ្យ​មាន​លទ្ធផល​មិន​ល្អ តែ​នៅ​មាន​លទ្ធភាព​អាច​ស្ដារ​បាន " ។

លោក​បាន​បន្ត​ថា​៖ " យើង​ត្រូវ​តែ​ទទួល​ស្គាល់​ថា​ ឆ្នាំ​នេះ​ពួក​យើង​មិន​សូវ​រក​គ្រាប់​បាល់​បាន " ។

សូម​បញ្ជាក់​ផង​ដែរ​ថា​ ក្នុង​លីគ​កំពូល​អេស្ប៉ាញ​ ក្លឹប​ Real Madrid កំពុង​តែ​ឈរ​លេខ ៣ ដោយ​មាន ៥៧​ពិន្ទុ និង​រក​គ្រាប់​បាល់​បាន ៥៣​គ្រាប់​ គិត​ត្រឹម​សប្ដាហ៍​ទី ៣០​នេះ៕

ប្រភព៖ Marca   អត្ថបទ៖ សេរី មង្គល