Emre Can គិតថាការហាត់នៅ Juventus ពិបាកជាងហាត់នៅ Liverpool

2019-04-10 13:52:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែបម្រើក្លឹប Juventus កីឡាករ Emre Can បានប្រាប់សារព័ត៌មាន DANZ និង Goal កាលពីពេលថ្មីៗនេះ ថា ការហ្វឹកហាត់ជាមួយក្លឹបអ៊ីតាលី Juventus មានសភាពពិបាកឆ្ងាយពីការហាត់ជាមួយនឹងក្លឹបអង់គ្លេស Liverpool។

កីឡាកររូបនេះបាននិយាយថា៖ " ខ្ញុំធ្លាប់រអ៊ូប្រាប់ Jurgen Klopp ថាហ្វឹកហាត់នៅ Liverpool ពិបាកណាស់ ក៏ប៉ុន្តែពេលមកដល់ក្លឹប Juventus ការហ្វឹកហាត់រឹតតែលំបាកជាងនេះទៅទៀត " ។

ខ្សែបម្រើអាល្លឺម៉ង់រូបនេះបានបន្តថា៖ " នៅទីនេះ (Juventus) យើងត្រូវតែរត់ច្រើនជាងមុន និងហាត់ប្រើកម្លាំងខ្លាំងជាងមុន។ ពីដំបូងវាបង្កការលំបាកសម្រាប់ខ្ញុំដែរ តែពេលនេះរាងកាយរបស់ខ្ញុំស៊ាំទៅហើយ " ។

សូមបញ្ជាក់ផងដែរថា Emre Can បានចាកចេញពី Liverpool មកកាន់ក្លឹប Juventus កាលពីរដូវក្ដៅ ឆ្នាំ២០១៨។ ចាប់តាំងពីពេលនោះមក រូបគេបានបង្ហាញខ្លួនឲ្យក្លឹបសេះបង្កង់បាន ៣១ប្រកួត និងរកបាន ៤គ្រាប់នៅគ្រប់កម្មវិធីរបស់ក្លឹប៕

អានបន្ត៖

KLOPP ឆ្លើយតបនឹងពាក្យចចាមអារ៉ាមដែលថា BAYERN ចង់បានរូបខ្លួន

មកដឹងពីចំនួនគ្រាប់បាល់របស់ក្រុមទាំង ៨ ចុងក្រោយក្នុង UCL រដូវកាលនេះ

ភ្ញាក់ផ្អើលពេលដឹងពីស្ថិតិរបស់ SALAH ប៉ះក្លឹបធំៗទាំង ៦ក្នុង PL នៅរដូវកាលនេះ

ប្រភព៖ Goal ប្រែសម្រួល៖ ហ៊ីម រស្មី