Lewandowski និងComan ទាស់ទែងគ្នារហូតដល់ប្រើដៃជើងក្នុងពេលហ្វឹកហាត់

2019-04-12 13:32:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធប៉ូឡូញកីឡាករ Robert Lewandowski និងខ្សែស្លាបបារាំងកីឡាករ Kingsley Coman ត្រូវបានគេប្រទះឃើញទាស់ទែងសម្ដីគ្នា រហូតដល់ប្រើដៃជើងទៀតផងនៅកំឡុងពេលហ្វឹកហាត់ កាលពីថ្ងៃព្រហស្បតិ៍កន្លងទៅ។

បើតាមពាក្យល្ហិចល្ហៀងមួយចំនួនបានឲ្យដឹងថា ជម្លោះនេះត្រូវបានកើតឡើងដោយ Lewandowski រិះគន់ Coman ថា កីឡាករបារាំងរូបនេះមិនយកចិត្តទុកដាក់ក្នុងការហ្វឹកហាត់។ ភ្លាមៗនោះ Coman ក៏ឈូស Lewandowski ហើយខ្សែប្រយុទ្ធប៉ូឡូញមិនសុខចិត្ត ហើយក៏ឈូស Coman ទៅវិញ។

ជម្លោះក៏កាន់តែខ្លាំងឡើងៗ រហូតដល់ខ្សែការពារ Jerome Boateng និង Niklas Sule ចូលបំបែកអ្នកទាំងពីរ។

ទាក់ទងនឹងរឿងនេះដែរ គ្រូបង្វឹកក្លឹប Bayern Munich លោក Niko Kovac បានបញ្ជាក់ថា មានជម្លោះក្នុងកន្លែងហ្វឹកហាត់មែន ប៉ុន្តែរឿងនេះត្រូវបានសម្របសម្រួលរួចស្រេចអស់ហើយ ដោយកីឡាករទាំងពីរសុំទោសគ្នាទៅវិញទៅមក។

លោកក៏បានបន្ថែមថា ក្លឹបនឹងមិនដាក់ពិន័យលើការឈ្លោះគ្នានេះទេ ព្រោះកីឡាករទាំងពីរយោគយល់គ្នា៕

អានបន្ត៖

Ancelotti យល់ថា Arsenal ពេលនេះមិនមែន Arsenal ចាញ់ Bayern ១០-២ទេ

Guardiola យល់ថាចាញ់ Spurs ១-០ គ្រាន់បើជាង ០-០

ក្លឹបទាំង ៥ ដែលបង្ហាញមុខក្នុងវគ្គ ៨ក្រុមចុងក្រោយនៃ UCL បានច្រើនជាងគេ

ប្រភព៖ Goal អត្ថបទ៖ សេរី មង្គល