Guardiola យល់ថាចាញ់ Spurs ១-០ គ្រាន់បើជាង ០-០

2019-04-10 11:55:59
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកចាត់ការក្លឹប Manchester City លោក Pep Guardiola បានលើកឡើងក្រោយបញ្ចប់ការប្រកួតប៉ះនឹងក្លឹប Tottenham Hotspur ក្នុងប្រកួតវគ្គ ៨ក្រុមចុងក្រោយ UEFA Champions Leagueថាចាញ់ក្នុងលទ្ធផល ១ ទល់នឹង ០ អាចនឹងល្អជាង ០-០។

លោកបាននិយាយថា៖ " ប្រាកដណាស់ក្រុមគេ (ក្លឹប Tottenham Hotspur) នឹងនាំមុខយើងមួយគ្រាប់ក្នុងជើងទី២ ប៉ុន្តែជួនកាលចាញ់ ១-០ វាគ្រាន់បើជាង ០-០ ដោយសារតែយើងដឹងច្បាស់ពីអ្វីដែលយើងត្រូវធ្វើ " ។

លោកបានបន្តថា៖ " ក្នុងលទ្ធផល ០-០ យើងមិនប្រាកដប្រជាថា ត្រូវលេងសម្រុក ឬលេងទប់ទេ តែពេលចាញ់បែបនេះ (ចាញ់ ១-០) យើងដឹងថា យើងត្រូវតែរកគ្រាប់បាល់ឲ្យបាន " ។

សូមបញ្ជាក់ផងដែរថា ក្លឹប Manchester City ស៊ុតចំគោលដៅតែម្ដងគត់គឺ នៅពេលដែលខ្សែប្រយុទ្ធអាហ្សង់ទីនកីឡាករ Sergio Aguero ស៊ុតបាល់ពិន័យ ១១ម៉ែត្រ ដែលសង្គ្រោះបានដោយអ្នកចាំទីក្លឹប Tottenham Hotspur កីឡាករ Hugo Lloris៕

អានបន្ត៖

DE BRUYNE ឌឺដង SPURS ថាខ្លួនមិនខ្វល់ពីស្តាតថ្មីរបស់ពួកគេទេ

SPURS នៅតែរកបានប្រាក់ចំណេញច្រើនជាងគេលើលោក ទោះជាជះលុយយ៉ាងច្រើនលើស្តាត

មកដឹងពីចំនួនគ្រាប់បាល់របស់ក្រុមទាំង ៨ ចុងក្រោយក្នុង UCL រដូវកាលនេះ

ប្រភព៖ Sky Sports អត្ថបទ៖ សេរី មង្គល