Messi ព្រមាន Barcelona បើលេងប្រហែសដូចប៉ះ Man Utd គឺមិនឈ្នះ Liverpool ទេ

2019-04-18 06:38:22
ចំនួនមតិ 0 | ចំនួនចែករំលែក 0

ចន្លោះមិនឃើញ

Lionel Messi ព្រមានសមាជិកក្រុម Barcelona ទាំងអស់ថា បើលេងប្រហែសដូចប៉ះ Manchester United នោះ ពួកគេនឹងមិនឈ្នះក្រុម Liverpool ឡើយ។

ក្រុម Barcelona នឹងត្រូវប៉ះក្រុម Liverpool នៅវគ្គពាក់កណ្ដាលផ្ដាច់ព្រ័ត្រពានរង្វាន់ UEFA Champions League ដោយប្រកួតជើងទី១នឹងលេងនៅថ្ងៃ៣០ខែមេសាឆ្នាំ២០១៩នេះហើយនៅកីឡដ្ឋាន Camp Nou។ មុនការប្រកួតនោះឈានចូលមកដល់ ប្រធានក្រុម Messi បានព្រមានដល់សមាជិកទាំងអស់ថា មិនអាចធ្វេសប្រហែសបានឡើយ ព្រោះហង្សក្រហមជាក្រុមខ្លាំង មិនមានប្រយុទ្ធល្អ។

កីឡាកររកគ្រាប់បាល់បានច្រើនជាងគេនៅ UCL ឆ្នាំនេះ (១០គ្រាប់ហើយ) ខាងលើបាននិយាយទៀតថា៖ “យើងមិនអាចចាប់ផ្ដើមការប្រកួតដូចប្រកួតមុននេះទេ (ប៉ះ Man Utd)។ កំហុសតែម្ដងឬពីរដង ក្នុង១ប្រកួត អាចធ្វើឱ្យយើងធ្លាក់ពីពាននេះបាន។ យើងមានបញ្ហាខ្លះនៅតំបន់ការពារ ប៉ុន្តែពីមួយប្រកួតទៅមួយប្រកួត យើងចាប់ផ្ដើមរឹងមាំឡើងវិញ ហើយក្រុមទាំងមូលក៏សហការគ្នារហូតបានជ័យជម្នះ” ។

រំលឹកថាកាលប្រកួតជាមួយក្រុម Man Utd ជើងទី២នៅ Camp Nou ក្រុមអ្នកមានបុណ្យបានផ្ដល់ឱកាស២ដងដល់ក្រុមបិសាចក្រហម ប៉ុន្តែជាសំណាងដែរ ដែល Rashford និង Scott McTominay មិនអាចសម្រេចទីបាន៕

ប្រភព៖ Dailymail ប្រែសម្រួល៖ មុន្នីរម្យ