កីឡាករ Spurs នឹងទទួលបានលុយ Bonus ៥លានផោន បើឈ្នះ UCL
- 2019-04-19 03:01:15
- ចំនួនមតិ 0 | ចំនួនចែករំលែក 0
កីឡាករ Spurs នឹងទទួលបានលុយ Bonus ៥លានផោន បើឈ្នះ UCL
ចន្លោះមិនឃើញ
ក្រុមកីឡាករ Spurs នឹងទទួលបានលុយលើកទឹកចិត្តប្រមាណ៥លានផោន ប្រសិនបើពួកគេអាចជួយក្រុមលើកពាន UEFA Champions League បាន។
បានយកឈ្នះលើ Manchester City ឡើងដល់វគ្គពាក់កណ្ដាលផ្ដាច់ព្រ័ត្រនេះ ក្រុមកីឡាករទាំងអស់បាន២លានផោនរួចជាស្រេចហើយ សម្រាប់ជាការលើកទឹកចិត្ត។ ដោយឡែក ប្រសិនបើពួកគេអាចឡើង១កម្រិតទៀត លើកពាន Champions League តែម្ដងនាឆ្នាំនេះ នោះនឹងទទួលបានប្រាក់លើកទឹកចិត្តដល់៥លានផោនឯណោះ។ នេះជាអ្វីដែលក្រុមកីឡាករទាំងអស់បានស្នើសុំតាំងពីឆ្នាំមុនមកម្ល៉េះ។
រំលឹកថាក្រុម Spurs នារដូវកាលនេះ អត់មានចាយលុយទិញកីឡាករណាម្នាក់ទេ ដោយប្រើតែកីឡាករចាស់របស់ខ្លួនប៉ុណ្ណោះ។ ត្បិតតែយ៉ាងនេះក្ដី លោក Mauricio Pochettino នៅតែអាចដឹកនាំក្រុមមាន់ខ្នាយមាសនេះ ឱ្យខ្លាំងបានដដែល ដោយឡើងដល់វគ្គពាក់កណ្ដាលផ្ដាច់ព្រ័ត្រ Champions League ទៅហើយ។ ពួកគេនឹងតតាំងជាមួយក្រុម Ajax នៅត្រឹមវគ្គ៤ក្រុមនេះទៀត៕