Man Utd បង្កើតកំណត់ត្រាអាក្រក់មួយ បន្ទាប់ពី Everton លត់ ៤-០

2019-04-22 11:06:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីចាញ់ក្លឹប Everton ក្នុងលទ្ធផល ៤ ទល់នឹង ០ កាលពីថ្ងៃអាទិត្យកន្លងទៅ ក្លឹប Manchester United បានបង្កើតកំណត់ត្រាអាក្រក់មួយ ដោយរងគ្រាប់បាល់ច្រើនជាងគេក្នុងប្រវត្តិសាស្ត្ររបស់ខ្លួនក្នុងមួយរដូវកាលនៃក្របខ័ណ្ឌ Premier League។

គិតត្រឹមសប្ដាហ៍ទី ៣៤ នៃប្រកួតលីគកំពូលអង់គ្លេសរដូវកាល ២០១៨/១៩នេះ Manchester United រងគ្រាប់បាល់បាន ៤៨គ្រាប់ទៅហើយ ខណៈកំណត់ត្រាចាស់គឺកើតឡើងតាំងពីរដូវកាល ១៩៩៩/០០ និងរដូវកាល ២០០១/០២ ដែលកាលនោះរងគ្រាប់បាល់ចំនួន ៤៥គ្រាប់។

ផ្ទុយពីពេលបច្ចុប្បន្ន កាលពីរដូវកាល ១៩៩៩/០០ Manchester United ជាជើងឯកនៃលីគកំពូលអង់គ្លេស ហើយកាលពីរដូវកាល ២០០១/០២ ក្លឹបដែលមានរហស្សនាមបិសាចក្រហមនេះ ជាប់ចំណាត់ថ្នាក់លេខ ៣។

សូមបញ្ជាក់ផងដែរថា បន្ទាប់ពីចាញ់ Everton នៅកីឡដ្ឋាន Godison Park ក្លឹប Manchester United ឈរនៅចំណាត់ថ្នាក់លេខ ៦ ដោយមាន ៦៤ពិន្ទុ ខណៈក្លឹប Arsenal ឈរលេខ ៤ មាន ៦៦ពិន្ទុ ស្មើនឹងក្រុមលេខ ៥ Chelsea ហើយក្លឹប Tottenham Hotspur ឈរលេខ ៣ ដោយមាន ៦៧ពិន្ទុ៕

អានបន្ត៖

ប្រភព៖ The Sun អត្ថបទ៖ សេរី មង្គល