ឌីជេ ណាណា៖ «ទោះមិនទាន់ចង់ទិញផ្ទះក៏គួរទៅមើលឲ្យដឹងពីទីផ្សារអចលនទ្រព្យស្រុកយើងដែរ»

2019-04-24 11:55:05
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីដើមសប្តាហ៍នេះ DJ Nana បានប្រកាសទាំងរំជើបរំជួលប្រាប់ប្រិយមិត្តពីការខិតជិតមកដល់នៃព្រឹត្តិការណ៍ពិព័រណ៍លំនៅដ្ឋាន ( ឬ Home & Lifestyle 2019 ) តាមរយៈវីដេអូខ្លីដែលបង្ហោះនៅលើផេកហ្វេសប៊ុកផ្លូវការ Realestate.com.kh ដែលជាអ្នកផ្តួចផ្តើមឲ្យមានព្រឹត្តិការណ៍នេះ។

ក្រៅពីបង្ហាញពីក្តីរំភើបរីករាយចាំជួប និងថតរូបលេងសប្បាយៗជាមួយប្រិយមិត្តដោយផ្ទាល់ក្នុងពិព័រណ៍រយៈពេល ២ថ្ងៃពេញនេះ ឌីជេ ណាណា បានលើកឡើងថា៖ «ពិតណាស់ពិព័រណ៍នេះនឹងផ្តល់ភាពងាយស្រួលខ្លាំងសម្រាប់អ្នកដែលកំពុងចង់ទិញផ្ទះ ព្រោះទៅតែមួយកន្លែង បានឃើញច្រើនជម្រើសសម្បូរបែប សំខាន់ថ្ងៃហ្នឹងគម្រោងទាំងអស់នឹងដាក់លក់ក្នុងតម្លៃពិសេសទៀត»។

«តែទោះមិនទាន់មានគម្រោងទិញផ្ទះ ឬ យុវវ័យក្មេងៗ ក៏មិនគួររំលងដែរ ព្រោះក្នុងពិព័រណ៍នេះនឹងមានជាសិក្ខាសាលាចែករំលែកចំណេះដឹងជាច្រើនពាក់ព័ន្ធ លើប្រធានបទទាក់ទងនឹងវិស័យអចលនទ្រព្យធុរកិច្ច និងច្បាប់កម្មសិទ្ធិនៅកម្ពុជា ទីផ្សារអចលនទ្រព្យកម្ពុជាបច្ចុប្បន្ន និងអនាគត វិស័យ ហិរញ្ញវត្ថុ និងធនាគារ ដោយអ្នកជំនាញជាច្រើនរូប»។ ណាណា បញ្ជាក់បន្ថែម។

សល់តែ ១ថ្ងៃទៀតប៉ុណ្ណោះ ពោលគឺនៅថ្ងៃទី ២៦ និង២៧ ខែមេសានេះ ពិព័រណ៌អចលនទ្រព្យកម្ពុជា២០១៩ នឹងចាប់ផ្តើមហើយ ចាប់ពីម៉ោង ១០ព្រឹក រហូតដល់ ៧យប់។

ចូលរួមដោយសេរី និងឥតគិតថ្លៃ តែបើបានចុះឈ្មោះចូលរួមជាមុន នៅទីនេះ នឹងមានឱកាសទទួលបានរង្វាន់ជាច្រើន៕

តោះ! មើលតារាងកម្មវិធី និងការចូលរួមរបស់វាគ្មិនជំនាញក្នុងពិព័រណ៍លំនៅដ្ឋាន ២០១៩ នេះ