ពលរដ្ឋរាប់ពាន់នាក់ផ្ទុះការខឹងសម្បារ ងើបតវ៉ាប្រឆាំងបត្យាប័នថ្មីរបស់ចិន
- 2019-04-29 02:27:59
- ចំនួនមតិ 0 | ចំនួនចែករំលែក 0
ពលរដ្ឋរាប់ពាន់នាក់ផ្ទុះការខឹងសម្បារ ងើបតវ៉ាប្រឆាំងបត្យាប័នថ្មីរបស់ចិន
ចន្លោះមិនឃើញ
ប្រជាជនរាប់ពាន់នាក់ បានផ្ទុះការតវ៉ានៅក្នុងទីក្រុងហុងកុងកាលពីថ្ងៃអាទិត្យកន្លងទៅជុំវិញការស្នើសុំបង្កើតច្បាប់បត្យាប័នថ្មីដែលអនុញ្ញាតឲ្យជនល្មើសត្រូវបញ្ជូនទៅកាន់ចិនដីគោកដើម្បីកាត់ក្ដី។
យោងតាមសេចក្ដីរាយការណ៍របស់សារព័ត៌មាន Reuters ឲ្យដឹងថា ប្រជាជនប្រមាណជា ២២ ០០០ នាក់បានចូលរួមបាតុកម្មនេះប៉ុន្តែអ្នករៀបចំអះអាងថាមានរហូតដល់ជិត ១៣ម៉ឺននាក់។ អ្នកតវ៉ាទាំងអស់គ្នាស្រែកថា "ចុះចេញទៅ Carrie Lam” ដោយអ្នកស្រី Lam គឺជាមេដឹកនាំក្នុងទីក្រុងហុងកុងដែលមានប្រព័ន្ធច្បាប់ខុសពីចិនដីគោក ពោលគឺប្រទេសមួយដែលមានប្រព័ន្ធច្បាប់ពីរផ្សេងគ្នា។ កាលពីដើមឆ្នាំនេះ រដ្ឋាភិបាលរបស់អ្នកស្រី Lam បានប្រកាសថានឹងធ្វើកំណែទម្រង់ច្បាប់មួយចំនួនដើម្បីឲ្យមានការធ្វើបត្យាប័នចំពោះជនល្មើស និងបញ្ជូនពួកគេទៅកាន់តៃវ៉ាន់, ម៉ាកាវ ឬចិនដីគោកអាស្រ័យលើបទល្មើសនីមួយៗ។
យ៉ាងណាមិញ ប្រជាជនសម្ដែងការមិនពេញចិត្តចំពោះការប្រកាសនេះដោយអ្នកខ្លះចោលអ្នកស្រី Lam ថាក្បត់នឹងប្រជាជនហុងកុងព្រោះពួកគេមិនទុកចិត្តលើការគោរពសិទ្ធិមនុស្ស និងប្រព័ន្ធច្បាប់របស់ចិនដីគោក៕