ដូណាល់ ត្រាំជំរុញឲ្យពលរដ្ឋចាក់ថ្នាំបង្ការ ក្រោយផ្ទុះជំងឺកញ្ជ្រឹលពេញប្រទេស
- 2019-04-29 03:22:53
- ចំនួនមតិ 0 | ចំនួនចែករំលែក 0
ដូណាល់ ត្រាំជំរុញឲ្យពលរដ្ឋចាក់ថ្នាំបង្ការ ក្រោយផ្ទុះជំងឺកញ្ជ្រឹលពេញប្រទេស
ចន្លោះមិនឃើញ
ប្រធានាធិបតីអាមេរិកលោកដូណាល់ ត្រាំបានប្រកាសឲ្យប្រជាជនទាំងអស់នាំគ្នាទៅចាក់ថ្នាំបង្ការជំងឺកញ្ជ្រឹលខណៈពេលដែលករណីជំងឺនេះផ្ទុះឡើងពេញប្រទេស។
យោងតាមមជ្ឈមណ្ឌលគ្រប់គ្រង និងបង្ការជំងឺអាមេរិក (CDC) ឲ្យដឹងថា រហូតមកទល់ពេលនេះមានករណីជំងឺកញ្ជ្រឹល ៧០០ករណីហើយដែលត្រូវបានរាយការណ៍ពីរដ្ឋទាំង ២២ដោយបង្កឲ្យមានការព្រួយបារម្ភពីជំងឺឆ្លងមួយនេះ។ ប្រភពដដែលបន្ថែមថា នេះគឺជាចំនួនដែលច្រើនបំផុតមិនធ្លាប់មានចាប់តាំងពីឆ្នាំ ២០០០មកនៅពេលដែលជំងឺនេះត្រូវលុបបំបាត់ចេញពីសហរដ្ឋអាមេរិក។ ចំណែកឯទិន្នន័យពីអង្គការសុខភាពពិភពលោកបង្ហាញថា ករណីជំងឺកញ្ជ្រឹលទូទាំងពិភពលោកមានរហូតដល់ជាង ១១០ ០០០ករណីគិតត្រឹម៣ខែដើមឆ្នាំ ២០១៩នេះដែលជាការកើនឡើង ៣០០%បើធៀបនឹងឆ្នាំមុន។
យ៉ាងណាមិញ ការចាក់វ៉ាក់សាំង ត្រូវគេសង្កេតឃើញថាមានការធ្លាក់ចុះខ្លាំងនៅក្នុងប្រទេសអភិវឌ្ឍជាច្រើនដោយសារឪពុកម្ដាយជឿលើហេតុសាសនា និងទស្សនវិជ្ជាផ្សេងៗ ខណៈពេលដែលប្រទេសមានចំណូលទាបបែរធ្លាក់ចុះជំងឺកញ្ជ្រឹលទៅវិញ៕