ទូរសព្ទថ្មទំហំ ១៨០០០ mAh បរាជ័យទាំងមិនទាន់ចាប់ផ្ដើម

2019-04-30 08:34:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ឈ្មោះ Energizer ទទួលបានការចាប់អារម្មណ៍ច្រើនគួរសមនៅក្នុងកម្មវិធីបច្ចេកវិទ្យា Mobile World Congress ឆ្នាំនេះ តាមរយៈគំរូស្មាតហ្វូន Android មួយម៉ូដែលដែលមានកម្រាស់ក្រាស់ ហើយមានផ្ទុកថ្មទំហំធំផុតលេខ។

ទូរសព្ទ Energizer Power Max P18K Pop មានផ្ទុកថ្មទំហំដល់ ១៨០០០ mAh ហើយវាផលិតផលដែលក្រុមហ៊ុន Avenir Telecom ចង់ផលិតផលលក់លក្ខណៈទ្រង់ទ្រាយធំ និងបញ្ចេញលក់នៅអំឡុងខែតុលា ឆ្នាំ ២០១៩ នេះ។

ក្រោយពីទទួលបានជោគជ័យក្នុងការបង្ហាញខ្លួននៅ MWC រួចមក ស្មាតហ្វូន Energizer Power Max P18K Pop បានលេចមុខនៅលើវិបសាយរៃអង្គាស Indiegogo ដោយមានគោលដៅរៃអង្គាសឲ្យបាន ១,២ លានដុល្លារ។ ប៉ុន្តែគួរសោកស្ដាយនោះគឺយុទ្ធនាការរៃអង្គាសនេះ បានទឹកប្រាក់ត្រឹម ១៥ ០០៥ ដុល្លារប៉ុណ្ណោះ។

ដោយសារតែយុទ្ធនាការនេះទទួលបានជោគជ័យត្រឹម ១% ហេតុនេះគម្រោងការមួយនេះអាចនឹងមិនឃើញពន្លឺថ្ងៃនោះឡើយ។ ស្មាតហ្វូនប្រភេទនេះអាចមានពន្លឺថ្ងៃ លុះត្រាតែមានការបណ្ដាក់ពីសហគ្រិនធំៗ ប៉ុន្តែទំនងជាមិនអាចទៅរួចឡើយ៕

ចុចអាន៖

ប្រភព៖ The Verge ប្រែសម្រួល៖ សុខហេង