ទួនប៉េ ថា មិនប្រមាថ សូត្រ ប៊ុនធី ទេ ទោះធ្លាប់ឈ្នះសន្លប់ក៏ដោយ
- 2019-05-02 02:50:24
- ចំនួនមតិ 0 | ចំនួនចែករំលែក 0
ទួនប៉េ ថា មិនប្រមាថ សូត្រ ប៊ុនធី ទេ ទោះធ្លាប់ឈ្នះសន្លប់ក៏ដោយ
ចន្លោះមិនឃើញ
អ្នកប្រដាល់ឆ្លងដែនពីប្រទេសថៃ ទួនប៉េ ក្នុងវគ្គផ្ដាច់ព្រ័ត្រ ISI ជាមួយ សូត្រ ប៊ុនធី ខាងមុខនេះសង្ឃឹម៥០% ហើយក៏មិនហ៊ានមើលងាយដៃគូដែរ បើទោះជារូបគេធ្លាប់ឈ្នះសន្លប់ម្ដងរួចហើយក្ដី។
ជើងខ្លាំងខាងលើនេះ បានឲ្យដឹងថា សូត្រ ប៊ុនធី គឺខ្ពស់ដៃជើងវែងៗ ពិបាកក្នុងការវ៉ៃជាមួយដែរ។ ចំណែកកែង និងជង្គង់ក៏ល្អថែមទៀត។ យ៉ាងណាក៏ដោយ ទួនប៉េ នឹងខំប្រឹងប្រែងហ្វឹកហាត់ឲ្យខ្លាំង ដើម្បីធ្វើឲ្យបានល្អជំនួបវគ្គផ្ដាច់ព្រ័ត្រថ្ងៃអាទិត្យចុងសប្ដាហ៍នេះ។
អ្នកលេងគុនថៃបន្ថែមទៀតថា លើកមុនឈ្នះដោយប្រើកណ្ដាប់ដៃ ដូច្នេះប៉ះគ្នាជាថ្មីនេះ រូបគេនឹងព្យាយាមប្រើស្នៀតនេះដដែលដើម្បីស្វែងរកជ័យជម្នះលើ កីឡាករកម្ពុជា សូត្រ ប៊ុនធី។ នេះជាការប្រកួតដ៏សំខាន់ ទួនប៉េ បញ្ជាក់ថា ខ្លួនក៏ចង់បានពានទៅប្រទេសថៃ ចំណែក ប៊ុនធី ក៏ចង់បានពានសម្រាប់ប្រទេសខ្មែរ ដូច្នេះខ្លួននឹងខំប្រឹងធ្វើឲ្យបាននៅថ្ងៃនោះ។
រំលឹកដែរថា វគ្គផ្ដាច់ព្រ័ត្រពានរង្វាន់ ISI ទម្ងន់៦០គីឡូក្រាម របស់សង្វៀន CNC ឈានមកដល់ថ្ងៃអាទិត្យ ទី៥ ឧសភា ២០១៩ នេះហើយ ដោយ សូត្រ ប៊ុនធី ប៉ះកីឡាករថៃ ទួនប៉េ ខណៈការដណ្ដើមលេខ៣-៤ លី ភា ប៉ះ Vithak Yayuth៕
វីដេអូ៖
មួយឃ្លារបស់ នៅ ស្រីពៅ ពិតជាសមជាអ្នកប្រយុទ្ធមែន...
ម៉ន សាម៉េត និយាយយ៉ាងណាពេលបានវ៉ៃជាគូឯកនៅប្រទេសមីយ៉ាន់ម៉ា?
រតនា ស្រីពៅ សុខ ធី ចេញប្រកួតនេះមានអត្ថន័យធំធេងណាស់សម្រាប់កម្ពុជា