ទិញប៉ះឡានស្ងោរថ្នាំពណ៌ ជួបរឿងក្រពុលមុខច្រើនយ៉ាងនេះ
- 2019-05-03 03:50:00
- ចំនួនមតិ 0 | ចំនួនចែករំលែក 0
ទិញប៉ះឡានស្ងោរថ្នាំពណ៌ ជួបរឿងក្រពុលមុខច្រើនយ៉ាងនេះ
ចន្លោះមិនឃើញ
ដោយសារការនាំចូល និងចរាចរណ៍ទីផ្សារទិញ-លក់រថយន្តមួយទឹកមានចំនួនកើនឡើងនៅក្នុងប្រទេសកម្ពុជារយៈពេលប៉ុន្មានឆ្នាំចុងក្រោយនេះ ភាគច្រើននិយមពណ៌ស នឹង មាស ជុំរុញឲ្យមានជនឧកាសនិយមយករថយន្តទៅស្ងោរពណ៍ឲ្យតែបានៗ ដើម្បីលក់យកចំណេញ ជាពិសេសរឿងដែលអ្នកប្រើប្រាស់ទូទៅបារម្ភខ្លាំងគឺ គុណភាពទឹកថ្នាំមួយជុំរថយន្ត បើទិញប៉ះឡានស្ងោរពណ៌វិញ ដឹងតែជួបរឿងក្រពុលមុខមិនចេះចប់ ចំណែកលុយចេញវិញហូរដូចទឹក។
ខាងក្រោមនេះជាបទពិសោធន៍របស់លោក Micheal S ជានាយកគ្រប់គ្រងនៅ Cate Investment Group Co., LTD ហៅថា Phnom Penh Autocheck ដែលបានចែករំលែកដល់ប្រិយមិត្តអ្នកអានដូចតទៅ៖
-១) ការបាញ់ថ្នាំលើរថយន្ត នៅកន្លែងខ្លះ អាចខ្វះគុណភាព។ ជាទូទៅពណ៌ពេញនិយមគឺពណ៌ស និងពណ៌មាស ដែលអ្នកស្ងោរថ្នាំរថយន្តបានប្រើ ក៏ប៉ុន្តែទឹកថ្នាំមិនដូចរបស់ហ្ស៊ីនទេ។
២) ធ្វើឲ្យមានសំឡេងរំខាន។ ការបន្លំពណ៌ ឬបាញ់ថ្នាំរថយន្តឲ្យដូចដើម គេត្រូវដោះគ្រឿងក្នុង ក៏ដូចជាគ្រឿងក្រៅ ប្រព័ន្ធផ្សេងៗទាំងអស់ សូម្បីតែខ្សែភ្លើង ចឹងហើយទើបការរៀបដាក់ចូលវិញ អាចនឹងមិនដូចរបស់ដើមចេញពីរោងចក្របណ្ដាលឲ្យមានកន្លែងរលុង ឬបង្កឲ្យមានសំឡេងរំខាន ពេលបើកបរផ្លូវ រលាក់។
៣) បច្ចេកទេសធ្វើនៅតាមហ្គារាសលួចលាក់ មិនបានបំពេញតាមលក្ខខណ្ឌបច្ចេកទេសដូចហ្គារាសរបស់ក្រុមហ៊ុនផ្លូវការនោះទេ ជាហេតុធ្វើឲ្យការរៀបឡើងវិញ អាចបាត់គ្រឿងបន្លាស់ ឬខ្ចៅខ្យងកន្លែងណាមួយដូចជា តាបឡូជាដើម។
លោកបន្ថែមថា បើចំពោះកន្លែងពោងសុវត្ថិភាពវិញ រឹតតែជាក្ដីបារម្ភខ្លាំង ព្រោះបើគេរៀបរថយន្តពោង ២ មិនសូវជាប៉ុន្មានទេ តែបើជារថយន្តប្រភេទពោង ៨ ឬ ច្រើន (និយាយចំគឺប្រភេទ Hybrid) ដែលមានប្រព័ន្ធភ្លើងច្រើនខ្វាត់ខ្វែង គឺធ្ងន់ហើយ។ ជួនកាលសេនស័រមិនគ្រលាត់ពេលជួបគ្រោះថ្នាក់ ស្រាប់តែពោងមិនដំណើរការ មិនអាចជួយអាយុជីវិតរបស់អ្នកបាន នោះទើបជារឿងសំខាន់បំផុត។
៤) ពណ៌ថ្នាំលាយនៅក្នុងស្រុក ឆាប់ហើរពណ៌។ ថ្នាំលាយភាគច្រើនជាថ្នាំដែលតម្លៃធូរថ្លៃ គ្រាន់តែបន្លំភ្នែកមួយពេល ក្រោយពេលអូសចេញពីហ្គារាសយកមកប្រើមិនបានប៉ុន្មានផង ស្រាប់តែស្លកពណ៌អស់រលីង។
៥) ថ្នាំលាយ ដែលមិនមែនជារបស់ក្រុមហ៊ុនផ្លូវការ ភាគច្រើនខ្វះសារធាតុ UV Protection។ សារធាតុនេះមានតួនាទីជួយការពារឲ្យពន្លឺថ្ងៃផ្លាតទៅវិញខ្លះ ពេលដែលកំដៅជះខ្លាំងពីព្រះអាទិត្យមកប៉ះរថយន្ត។ បើប៉ះឡានពណ៌ខ្មៅផង ក្ដៅយកតែមែនទែន សឹងតែមិនអាចចូលអង្គុយ បានពេលចតរថយន្ត។
៦) ពេលទៅធ្វើឯកសារផ្លូវច្បាប់ ទាំងរថយន្តផ្លាកលេខ ឬក្រដាសពន្ធ ជួបនឹងបញ្ហាច្រើនដំណាក់កាល លុយក៏អស់ច្រើនតាមហ្នឹងដែរ។
៧) ធ្វើឯកសារអាចខុសពីពណ៌កូដដើម(color code) របស់រថយន្ត អ្នកនឹងប្រឈមនឹងផ្លូវច្បាប់ បើមិនចឹងទេ ត្រូវត្រូវចំណាយពេលរាប់ខែ ទម្រាំតែធ្វើបាន។
៨) បច្ចេកទេសដោះកញ្ចក់មួយជុំរថយន្ត មិនបានត្រឹមត្រូវ។ ដូចរៀបរាប់ខាងលើចឹង ការបាញ់ថ្នាំនេះ ទាមទារជំនាញខ្ពស់ពីអ្នកជំនាញក្រុមហ៊ុនផ្លូវការ ម្យ៉ាងទៀតប្រសិនណា ជាងនោះ ប្រើប្រាស់ប្រភេទកាវគ្មានគុណភាព(ទិញពីកន្លែង ធូរថ្លៃ) ប្រើឲ្យតែបានៗ មិនមែនជារបស់មានគុណភាព នោះវាអ្នកនឹងឆាប់ងាប់ជ័រ ធ្វើឲ្យខ្យល់ចូលរថយន្ត ឮសំឡេងចម្លែក និងបណ្តាលឲ្យរំខានចិត្តពេលបើកបរ។
៩) បច្ចេកទេសស្ងោរថ្នាំ។ ចំណាយពេលយូរ មិនធានាថាប្រើបានច្រើនឆ្នាំ។ មានន័យថា មិនមែនគ្រប់ជាងសុទ្ធតែមានបច្ចេកទេសលាយពណ៌ថ្នាំឲ្យដូចដើមទេ សូម្បីតែអ្នកជំនាញបទពិសោធន៍ច្រើនឆ្នាំក៏ដោយ។
១០) បច្ចេកទេសរុំស្កុតមួយជុំរថយន្ត អាចនឹងខ្វះចន្លោះបណ្ដាលឲ្យទឹកថ្នាំ ឬសារធាតុរាវធ្លាក់ចូលគ្រឿងគ្រៅ ឬប្រព័ន្ធភ្លើង អាចធ្វើឲ្យកក ពេលបើកបរជួបបញ្ហាអាចនឹងទាមទារឲ្យសើររើច្រើនតង់។
១១) ថ្នាំលាយបាញ់ភាគច្រើន មានកម្រិតការពារទាប ធ្វើឲ្យរថយន្តអ្នកឆាប់ស្កូត ឆាប់ស្លកពណ៌។
១២) បច្ចេកទេសចាប់ចូលវិញ(គិតទាំងអស់) ចំពោះប្រព័ន្ធភ្លើងខ្វាត់ខ្វែងដូចរថយន្តប្រភេទ Hybrid អាចមិន បានដូចដើម គ្រាន់តែស្អាតខាងក្រៅប៉ុណ្ណោះ តែរបៀបនៃការដាក់ចូលមិនត្រឹមត្រូវតាមលក្ខណៈស្តង់ដារពីរោងចក្រ។
១៣) ជាចុងក្រោយ អ្នកប្រើប្រាស់ ខ្លះត្រូវសម្រេចចិត្តលក់រថយន្តដែលខ្លួនបានទិញ ចោលទាំងនៅថ្មីចែស សុខចិត្តខាតច្រើន និងអស់ទំនុកចិត្តលើអ្នកលក់ ដែលគេច្បាស់លាស់មានបទពិសោធន៍ច្រើនឆ្នាំ។ អ្នកអាចទំនាក់ទំនងមកអ្នកជំនាញឆេក color code ដើមរបស់រថយន្តអ្នកបានតាមរយៈ 010 291 012៕
អត្ថបទទាក់ទង៖