YouTube ល្បីខ្លាំងពេកនៅវៀតណាម TikTok និង Facebook ត្រៀមវាយលុក
- 2019-05-03 04:53:00
- ចំនួនមតិ 0 | ចំនួនចែករំលែក 0
YouTube ល្បីខ្លាំងពេកនៅវៀតណាម TikTok និង Facebook ត្រៀមវាយលុក
ចន្លោះមិនឃើញ
យោងតាមរបាយការណ៍ចំនួនអ្នកប្រើបណ្ដាញសង្គម(Social Media) និងទម្រង់វីដេអូ Platform ផ្សេងៗរកឃើញថា ចំនួនអ្នកមើល និង Live Stream Game ផ្សេងៗលើ YouTube ជាប្រចាំមានចំនួនកើនឡើងខ្លាំងលើស ៨០% បើធៀបនឹង TikTok និងមុខងារវីដេអូលើ Facebook។
ប្រភពដដែលបានឲ្យដឹងទៀតថា បើគិតចំនួនអ្នកប្រើក្នុងជីវភាពជាក់ស្តែងនៅទីក្រុងធំៗរបស់វៀតណាម មាន ៤ នាក់កាន់ទូរសព្ទមើល YouTube យូរជាងគេដល់ទៅ ៣ នាក់ហើយ។
ចំនួនសរុបទាំងអស់គិតត្រឹមខែមិនា ឆ្នាំ ២០១៩ កើនឡើងដល់ទៅ ១២ លាន(Users) ក្នុងមួយខែ ដែលក្នុងនោះ Content Creator មានចំនួន ១០០០ ឆាណែលផ្លូវការ បូកទាំងអ្នកសិល្បៈ អ្នកផលិតករ ល្បីៗ និងឆាណែលរាយរងថែមទៀត។
លើសពីនេះទៀត ចំណែកទីផ្សារផ្សាយពាណិជ្ជកម្មលើវីដេអូក្នុង YouTube ក៏ឡើងខ្លាំងដែរ។
ទោះជាយ៉ាងណា លោក Nguyen Lam Thanh នាយកគ្រប់គ្រង TikTok ប្រចាំប្រទេសវៀតណាមបាននិយាយថា បើមើលលើទិន្នន័យ យើងមកថ្មី នៅមានចំនួនតិចនៅឡើយ ប៉ុន្តែយើងចង់ក្លាយ TikTok ទៅជាកម្មវិធី (trend) មានន័យថា មានកម្រិតប្រជាប្រិយភាពខ្ពស់ជាងគេ សម្រាប់អ្នកលេងអ៊ីនធឺណិតមើលវីដេអូនៅវៀតណាមឲ្យខ្លាំងជាងទម្រង់វីដេអូផ្សេងៗ និងរកទីផ្សារផ្សាយពាណិជ្ជកម្ម ឲ្យច្រើន។
ក្រឡេកទៅកាលពីឆ្នាំ ២០១៨ ចំនួនអ្នកប្រើបណ្ដាញសង្គម Facebook មានចំនួន ៥៨ លាន(users) បន្ទាប់ពី Facebook Watch បានប្រកាសចេញកាលពីចុងឆ្នាំ ២០១៧ និងធ្លាក់ចុះវិញក្នុងឆ្នាំ ២០១៩៕