Ole ថា ទោះអត់ UCL ក៏នៅមានកីឡាករចង់មកលេងនៅ Man Utd ដែរ

2019-05-03 11:04:21
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកចាត់ការក្លឹប Manchester United លោក Ole Gunnar Solskjaer បានលើកឡើងកាលពីក្នុងសន្និសីទមុនការប្រកួតប៉ះនឹងក្លឹប Huddersfield ថា ក្លឹបរបស់លោកនៅតែអាចទាក់ទាញកីឡាករល្បីៗ ទោះជាមិនបានលេងក្នុងកម្មវិធី UEFA Champions League។

លោកបាននិយាយថា៖ " ពួកអ្នក (អ្នកសារព័ត៌មាន) នឹងភ្ញាក់ផ្អើលបើដឹងពីឈ្មោះកីឡាករដែលចង់មកចូលរួមលេងជាមួយយើង នេះក៏ព្រោះតែពួកគេដឹងពីសក្ដានុពលរបស់ក្លឹប ដឹងថាក្លឹបយើងនឹងធំប៉ុណ្ណា " ។

លោកបានបន្តថា៖ " ប្រាកដណាស់ ! យើងជួបប្រទះនូវលទ្ធផលមិនល្អក្នុងពេលថ្មីៗនេះ ក៏ដូចជាក្នុងប៉ុន្មានរដូវកាលចុងក្រោយនេះ ប៉ុន្តែយើងនឹងផ្លាស់ប្ដូរយ៉ាងលឿននៅពេលខាងមុខ " ។

លោកបានបន្ថែមថា៖ " ទោះរដូវកាលក្រោយអត់មាន UEFA Champoins Leauge នៅតែមានកីឡាករល្បីៗចង់មកលេងជាមួយយើងអញ្ចឹង " ។

សូមបញ្ជាក់ផងដែរថា ក្លឹប Manchester United គិតត្រឹមពេលនេះកំពុងឈរនៅចំណាត់ថ្នាក់លេខ ៦ ដោយមាន ៦៥ពិន្ទុ ខណៈក្លឹប Arsenal លេខ ៥ មាន ៦៦ពិន្ទុ Chelsea លេខ ៤ មាន ៦៨ពិន្ទុ ហើយ Tottenham Hotspur លេខ ៣ មាន ៧០ពិន្ទុ៕

អានបន្ត៖