គួរឲ្យសរសើរ! កម្មវិធី "៤៥ថ្ងៃនៃអក្សរខ្មែរ" អត្ថន័យក៏ល្អ ទឹកដៃអ្នករចនាក៏ឡូយ
- 2019-05-07 10:36:00
- ចំនួនមតិ 0 | ចំនួនចែករំលែក 0
គួរឲ្យសរសើរ! កម្មវិធី "៤៥ថ្ងៃនៃអក្សរខ្មែរ" អត្ថន័យក៏ល្អ ទឹកដៃអ្នករចនាក៏ឡូយ
ចន្លោះមិនឃើញ
កម្មវិធី "៤៥ថ្ងៃនៃអក្សរខ្មែរ" មានគោលបំណងដើម្បីបំផុសការរចនាតួអក្សរតាមភាពច្នៃប្រឌិតរបស់អ្នករចនាម្នាក់ៗ។ វាជាជំហានមួយដើម្បីឱ្យមនុស្សចាប់ផ្ដើមចាប់អារម្មណ៍នឹងសិល្បៈអក្សរ ហើយនិងជាចំណុចចាប់ផ្ដើមក្នុងការរចនាជាពុម្ពអក្សរនៅពេលអនាគត។ នេះបើតាមការឲ្យដឹងពី ទេព សុវិចិត្រ ជាម្នាក់ក្នុងចំណោមអ្នកផ្ដើមគំនិតធ្វើគម្រោង "៤៥ថ្ងៃនៃអក្សរខ្មែរ"។
វិចិត្រ លើកឡើងថា កម្មវិធីនេះដំបូងឡើយ រូបគេមិនទាន់ចង់ធ្វើវាជាសាធារណៈទេ គឺត្រឹមតែមិត្តភក្ដិបួនប្រាំនាក់ ប៉ុន្តែនៅថ្ងៃទី ១ ក៏មានអ្នកដទៃទៀតសួរនាំនិងចាប់អារម្មណ៍ រួចហើយយើងក៏សម្រេចចិត្តដាក់វាជាសាធារណៈ។ មិនមានលក្ខខណ្ឌនោះទេ គឺយើងអាចចូលរួមនិងរចនាពុម្ពអក្សរតាមការពេញចិត្ត និងតាមពេលវេលារបស់ខ្លួន។
សូមបញ្ជាក់ថា គម្រោងនេះមិនផ្ដោតលើការធ្វើ "ពុម្ពអក្សរ" នោះទេ។ កាលណានិយាយអំពីពុម្ពអក្សរ គឺជាអក្សរដែលត្រូវបានគេចងក្រងនៅក្នុងសណ្ឋានដូចៗគ្នាពីមួយតួទៅមួយតួ ហើយដាក់វាទៅក្នុងឯកសារឌីជីថលដើម្បីយកទៅប្រើប្រាស់នៅក្នុងកម្មវិធីផ្សេងៗ។ គម្រោងនេះគ្រាន់តែផ្ដោតលើសិល្បៈនិងភាពច្នៃប្រឌិតក្នុងការរចនាតួអក្សរប៉ុណ្ណោះ។
ក្រោយកម្មវិធី "៤៥ថ្ងៃនេះ" វិចិត្រសង្ឃឹមថា អ្នករចនាដែលបានចូលរួម នឹងបានរៀនអ្វីដែលថ្មីអំពីតួអក្សរ និងបានបង្កើនជំនាញរបស់ខ្លួនបានមួយកម្រិតទៀត។ មកទល់ថ្ងៃនេះ ធ្វើបានដល់អក្សរ ច ហើយចំពោះថ្ងៃបញ្ចប់តួអក្សរទាំង ៣៣ តួនិង ព្យញ្ជនៈអាចនឹងឈានដល់ពាក់កណ្ដាលខែមិថុនាឆ្នាំ ២០១៩៕