ខ្សែបម្រើ Man City កីឡាករ Gundogan យល់ថា Liverpool អាចឈ្នះ Barca ៤-០

2019-05-07 10:52:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែបម្រើក្លឹប Manchester City កីឡាករ Ilkay Gundogan បានប្រាប់សារព័ត៌មាន DAZN កាលពីពេលថ្មីៗនេះថា ខ្លួននៅតែមានជំនឿចិត្តលើអតីតគ្រូបង្វឹករបស់ខ្លួននៅក្លឹប Dortmund លោក Jurgen Klopp អាចដឹកនាំក្លឹប Liverpoolវាយបកយកឈ្នះក្លឹប Barcelona ក្នុងវគ្គពាក់កណ្ដាលផ្ដាច់ព្រ័ត្រ UEFA Champions Leagueយប់នេះ។

កីឡាករអាល្លឺម៉ង់រូបនេះបាននិយាយថា៖ " ខ្ញុំគិតថាការប្រកួតនេះមិនទាន់ចប់នៅឡើយទេ។ ខ្ញុំថែមទាំងស្រម៉ៃឃើញថា Liverpool អាចយកឈ្នះ Barcelona ក្នុងលទ្ធផល ៤-០ នៅទឹកដី Anfield ទៀតផង " ។

កីឡាកររូបនេះបានបន្តថា៖ " Klopp ជាគ្រូបង្វឹកដែលពូកែលើកទឹកចិត្តមួយរូប ហើយកីឡាករល្អៗ ដែលក្រុមផ្សេងៗពិបាកនឹងលេងប៉ះ ដែលសូម្បីតែក្លឹប Barcelona ក៏ពួកគេអាចបំបាក់ក្នុងមួយប្រកួតនេះដែរ " ។

Ilkay Gundogan

Liverpool បានចាញ់ក្លឹប Barcelona ក្នុងលទ្ធផល ៣-០ កាលពីជើងទី១ កន្លងទៅ ខណៈក្នុងពេលនេះដែរ ក្លឹបហង្សក្រហមនឹងលេងប៉ះក្លឹបកាតាឡាន់ក្នុងទឹកដីខ្លួន ដោយគ្មានខ្សែប្រយុទ្ធបង្គោលៗរបស់ខ្លួនដូចជា Mohamed Salah និង Roberto Firmino ជាដើម៕

អានបន្ត៖

ប្រភព៖ Goal ប្រែសម្រួល៖ ហ៊ីម រស្មី