អង់គ្លេស អាចក្លាយជាប្រទេសដំបូងមានក្រុមរបស់ខ្លួន៤ឡើងផ្ដាច់ព្រ័ត្រពានធំទាំង២របស់អឺរ៉ុប
- 2019-05-09 04:38:27
- ចំនួនមតិ 0 | ចំនួនចែករំលែក 0
អង់គ្លេស អាចក្លាយជាប្រទេសដំបូងមានក្រុមរបស់ខ្លួន៤ឡើងផ្ដាច់ព្រ័ត្រពានធំទាំង២របស់អឺរ៉ុប
ចន្លោះមិនឃើញ
អង់គ្លេស នឹងក្លាយជាប្រទេសទីមួយដំបូងគេបង្អស់ដែលមានក្រុមបាល់ទាត់មកពីប្រទេសរបស់ខ្លួន៤ ឡើងទៅវគ្គផ្ដាច់ព្រ័ត្រពានកំពូលរបស់អឺរ៉ុបទាំងពីរ ប្រសិនបើ Arsenal និង Chelsea ឈានដល់វគ្គផ្ដាច់ព្រ័ត្រ Europa League។
Liverpool បានធានាកៅអីវគ្គផ្ដាច់ព្រ័ត្រ បន្ទាប់ពីធ្វើការវាយបកយ៉ាងភ្ញាក់ផ្អើលទល់នឹង Barcelona ហើយពួកគេនឹងត្រូវជួបក្រុមរួមលីគ Spurs ដែលបានយកឈ្នះ Ajax កាលពីយប់មិញ។ នៅ Europa League វគ្គពាក់កណ្ដាលផ្ដាច់ព្រ័ត្រ Chelsea នឹងត្រូវធ្វើជាម្ចាស់ផ្ទះទទួលក្រុមមកពីអាល្លឺម៉ង់ Eintracht Frankfurt ដោយជើងទីមួយស្មើគ្នា ១-១។
ចំណែក Arsenal វិញឈ្នះ Valencia ៣-១ កាលពីជើងទីមួយ។ ប្រសិនបើ Arsenal និង Chelsea ឡើងជួបគ្នានៅវគ្គផ្ដាច់ព្រ័ត្រមែន វាជារឿងមិនធ្លាប់មានឡើងដែលក្រុមអង់គ្លេស៤ឡើងទៅវគ្គចុងបញ្ចប់នៃពានធំទាំង២របស់អឺរ៉ុប។ កន្លងទៅធ្លាប់តែ ៣ក្រុមមកពីប្រទេសតែមួយឡើងដល់ផ្ដាច់ព្រ័ត្រពានធំទាំងពីរនេះ។ ជាក់ស្ដែងឆ្នាំ១៩៩៨ Inter Milan ប៉ះ Lazio នៅ UEFA Cup (បច្ចុប្បន្ន Europa League) ខណៈ Juventus បានឡើងផ្ដាច់ព្រ័ត្រ UCL៕