បុរសម្នាក់នេះហើយ ធ្វើឱ្យ Ramos អស់ចិត្តពី Real Madrid លែងស្ដាយអ្វីទៀត

2019-05-28 01:52:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ដំណឹងចង់ចាកចេញពីក្រុម Real Madrid របស់កីឡាករ Sergio Ramos គឺពិតជាកើតឡើងប្រាកដមែន ក្រោយពីរូបគេបានអន់ចិត្តជាមួយលោក Florentino Perez ម្ចាស់ក្លឹបផ្ទាល់តែម្ដង។

Ramos ចូលរួមជាមួយក្រុម Real Madrid តាំងពីឆ្នាំ២០០៥ និងជួយក្រុមនេះឈ្នះពានរង្វាន់ជាច្រើន។ ខណៈដែលឆ្នាំនេះវិញ រូបគេហាក់មិនបានបង្ហាញទម្រង់លេងល្អឡើយ ដែលធ្វើឱ្យក្រុមធ្លាក់ចេញពីពានរង្វាន់នានា មិនបានលើកពានអ្វីឡើយ។ ការមិនអាចជួយក្រុមបានច្រើននេះ ហើយទើបរូបគេចង់ចាកចេញពីក្រុមនេះតែម្ដង ដើម្បីឱ្យមានអ្នកថ្មីមកជំនួស និងជួយក្រុមឱ្យខ្លាំងឡើងវិញ។

កត្តាមួយទៀតដែលត្រូវបានគេដឹងច្បាស់ចំពោះរឿងចាកចេញនេះ គឺ Ramos ត្រូវបានលោក Perez ស្ដីបន្ទោសខ្លាំង បន្ទាប់ពីក្រុមធ្លាក់ក្រោមថ្វីជើង Ajax នៅ Champions League ។ ការស្ដីបន្ទោសនេះ គឺដោយសារតែរូបគេបានបង្កកំហុសចេតនាមួយ ដែលធ្វើឱ្យទទួលបានកាត មិនអាចលេងនៅជើងទី២ កន្លែងដែល Ajax ទម្លាក់ក្រុមអធិរាជសបាននោះ។

ដោយសារតែមិនត្រូវគ្នាជាមួយម្ចាស់ក្លឹបហើយ ទំនាក់ទំនងពិបាកមើលមុខគ្នា ទើបបានជាខ្សែការពារកំពូលលើលោកនេះសុំចាកចេញតែម្ដង ដើម្បីទុកមុខគ្នាមើលថ្ងៃក្រោយ មិនចង់បន្ដឈ្លោះទៀតទេ៕

ប្រភព៖ Dailymail ប្រែសម្រួល៖ មុន្នីរម្យ