អ្នកគាំទ្រស្មោះស្ម័គ្រសាទរ ពេលឃើញ iPod Touch ត្រឡប់មកវិញ
- 2019-05-29 03:14:12
- ចំនួនមតិ 0 | ចំនួនចែករំលែក 0
អ្នកគាំទ្រស្មោះស្ម័គ្រសាទរ ពេលឃើញ iPod Touch ត្រឡប់មកវិញ
ចន្លោះមិនឃើញ
តាមការបញ្ចេញនៅលើវិបសាយ Apple ផ្លូវការយ៉ាងស្ងាត់ៗបានបង្ហាញថា ម៉ាស៊ីនចាក់ចម្រៀងដែលល្បីកាលពីប៉ុន្មានឆ្នាំមុនគឺ iPod Touch បានត្រឡប់មកកាន់ទីផ្សារវិញ។
iPod Touch ជំនាន់ ៦ បានបំពាក់បន្ថែមនូវមុខងារសំខាន់ ២ គឺ Group FaceTime*(មុខងារមួយ ដែលអាចឲ្យអ្នកនិយាយគ្នាតាមវីដេអូឡាយជាក្រុមបាន) និង AR expeience*(មុខងារប្រើបច្ចេកវិទ្យា AR)។ ចំពោះផ្នែកផ្សេងៗដូចជា អេក្រង់ ៤ អ៊ិញប្រភេទ Retina មានប៊ូតុង Home តែគ្មាន TouchID។
អ្វីដែលគេចាប់អារម្មណ៍ខ្លាំងគឺ អ្នកដែលធ្លាប់បានកាន់ប្រើ iPod នេះនៅតែសាទរ ពេលឃើញឧបករណ៍នេះបានរស់ឡើងវិញ។ iPod Touch នៅតែគាំទ្ររន្ធដោតកាស ៣,៥mm គាំទ្រឌុយ Lightning connector មានរន្ធបញ្ចេញសំឡេងមួយនិងរន្ធ Microphone ១។ សម្រាប់ថាមពលថ្មអាចរស់បានប្រមាណ ៤០ ម៉ោង(ចាក់ចម្រៀងជាប់) និង ៨ ម៉ោង(ចាក់វីដេអូ)។ វាក៏មានបំពាក់កាមេរ៉ាក្រោយ ៨ មេហ្គាភិចសែលនិង ១,២ មេហ្គាភិចសែលដូច iPod Touch ជំនាន់មុនដែរ។
រីឯបន្ទះឈីប A10 Fusion ដែលApple អះអាងថា ជួយឲ្យដំណើការលឿនជាងមុន ២ ដង និងលឿនជាង ៣ ដងផ្នែក User experience។ (A10 Fusion គេដឹងថាមានបំពាក់លើ iPhone 7 និង iPhone 7 Plus)។
តម្លៃដាក់លក់ផ្លូវការនៅសហរដ្ឋអាមេរិកសម្រាប់ជម្រើសមេម៉ូរី 32GB តម្លៃ ១៩៩ ដុល្លារ។ មេម៉ូរី 128GB តម្លៃ ២៩៩ ដុល្លារនិងមេម៉ូរី 256GB តម្លៃ ៣៩៩ ដុល្លារ៕