iOS និង Android មួយណាខ្លាំងជាងមួយណា?

2014-11-18 13:15:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ធម្មតាប្រិយមិត្ត iOS និង Android តែងតែឌឺគ្នាទៅវិញទៅមកថាប្រព័ន្ធប្រតិបត្តិការរបស់ខ្លួនដើរលឿន ងាយស្រួលប្រើ និងមានកម្មវិធីឡូយរាងៗខ្លួន។ អញ្ចឹងថ្ងៃនេះ Sabay នឹងលើកយក ៨ចំណុចរបស់ប្រព័ន្ធប្រតិបត្តិការទាំងពីរមកប្រៀបធៀបគ្នា ដើម្បីឲ្យដឹងថាតើមួយណាខ្លាំងជាងមួយណា?

១. ការវាយអក្សរ

កា្តរចុចរបស់ Android អាចឲ្យអ្នកវាយអក្សរនិងវណ្ណយុត្តសញ្ញាបានលឿនជាងក្ដារចុចនៅលើ iPhone ព្រោះក្ដារចុចរបស់ Android មានអក្សរនិងសញ្ញាចុច (.) នៅជាមួយគ្នា។ ដោយឡែកសម្រាប់ Keyboard របស់ iPhone គឺគ្មានសញ្ញាចុច (.) និងមុខងារ Swipe Keyboard (ឬ SwiftKey) នេះទេ តែអាចដោនឡូតពីក្រៅ (Third Pary Keyboard) មកដំឡើងបាន។

២. ការរៀបចំកម្មវិធី (App) ផ្សេងៗ

Apple និង Google មាន Store ដែលមានកម្មវិធីសម្បូរបែបដូចគ្នា តែសម្រាប់ Android របស់ Google អាចឲ្យអ្នកតម្រៀបកម្មវិធីសំខាន់ៗនៅលើទូរសព្ទចូលក្នុង Folder តែមួយបានយ៉ាងងាយ និងមើលទៅមិនរញ៉េរញ៉ៃដូច iPhone ឡើយ (ដូចក្នុងរូប)។

៣. Notifications

ពេលដែលអ្នកចង់លុប Notifications ណាមួយនៅលើ Android នោះអ្នកគ្រាន់តែអូសវា (Swipe) ទៅឆ្វេងឬទៅស្ដាំ នោះវានឹងបាត់ចេញពី Notifications Center មិនខាន។ ប៉ុន្តែចំពោះ iPhone វិញប្រសិនជាចង់លុប Notifications គឺត្រូវតែចុចលើសញ្ញាខ្វែង ដែលពេលខ្លះវាពិបាក និងចំណាយពេលយូរជាង Android បន្តិចហើយ។

៤. Google Map

កម្មវិធីមើលផែនទី Google Map អាចប្រើបានទាំងលើ iPhone និង Android ។ ត្បិតអី iPhone អាចប្រើ Google Map បាន តែនៅមានមុខងារពិសេសមួយដែលមិនអាចប្រើ Google Map បានគឺ Siri។

៥. មុខងារ Search

មុខងារ Search របស់ iPhone និង Android គឺសុទ្ធតែពិសេសដូចគ្នា តែ Spotlight Search របស់ iPhone មានមុខងារច្រើនជាង Android ដូចជា Email, Podcasts, Note, Reminders, Calender, Texts និង Voice Memos។ ដោយឡែកមុខងារ Search របស់ Android អាចឲ្យអ្នកជ្រើសរើស ឬផ្លាស់ប្ដូរ Search Engine បានទាំងអស់ ខណៈដែល Spotlight Search របស់ iPhone មិនអាចប្រើ Bing បាននោះទេ។ អញ្ចឹងត្រង់នេះទាំង iOS និង Android មានចំណុចគុណវិបត្តិ និងគុណសម្បត្តិស្មើគ្នា។

៦. Vibration

អ្នកអាចបិទសំឡេងញ័របានដោយប្រើប៊ូតុងដែលនៅខាងឆ្វេងទូរសព្ទដោយមិនចាំបាច់បើកទូរសព្ទនោះឡើយ។ ប៉ុន្តែចំពោះ Android ទាល់តែអ្នកចុចប៊ូតុង Power ឲ្យជាប់ នោះទើបអាចបិទឬបើកញ័របាន។

៧. ជំនួយការវៃឆ្លាត Siri Vs Google Now