ទាញទូរសព្ទស្កេនភ្លាម ដឹងភ្លែត ថាជារុក្ខជាតិ ឬសត្វអ្វី

2019-06-10 03:10:04
ចំនួនមតិ 0 | ចំនួនចែករំលែក 0

ចន្លោះមិនឃើញ

Seek គឺជាកម្មវិធីថ្មីមួយ ដែលមុខងារពិសេសខ្លាំង គឺវាអាចចំណាំប្រភេទរុក្ខជាតិ ឬ សត្វបាន តាមរយៈរូបថតដែលអ្នកថតតាមទូរសព្ទ។ វាអាចឲ្យអ្នកប្រើប្រាស់បានដឹងពីរុក្ខជាតិ ឬ សត្វដែលពួកគេមិនស្គាល់ឈ្មោះ មិនដែលឃើញពីមុនមក។

កម្មវិធីនេះបង្កើតឡើងដោយ iNaturalist ជាបណ្ដាញទំនាក់ទំនងសង្គមមួយសម្រាប់អ្នកស្នេហាធម្មជាតិ ហើយគោលដៅរបស់វាគឺជួយឲ្យគ្រប់គ្នាដឹងកាន់តែច្បាស់បន្ថែមទៀតអំពីធម្មជាតិដែលនៅជុំវិញខ្លួន។

Seek ប្រើប្រាស់នូវបច្ចេកវិទ្យា AI ដើម្បីធ្វើការវិភាគរូបថត រួចផ្គូផ្គងវាជាមួយរុក្ខជាតិ និងសត្វប្រមាណ ៣០ ០០០ ប្រភេទ ដែលមាននៅក្នុងបណ្ណាល័យរបស់កម្មវិធីនេះ។ ហើយពេលដែលអ្នកប្រើប្រាស់បញ្ចូលរូបភាពកាន់តែច្រើនទៅលើប្រព័ន្ធនេះ វានឹងជួយឲ្យកម្មវិធីចំណាំរុក្ខជាតិ ឬ សត្វបានកាន់តែច្រើនប្រភេទ។

បច្ចុប្បន្ននេះកម្មវិធី Seek ដាក់ឲ្យទាញយកសម្រាប់តែនៅលើឧបករណ៍ Apple ដែលមាន App Store តែប៉ុណ្ណោះ។ អ្នកអាចទាញយកកម្មវិធីនេះបានដោយឥតគិតថ្លៃ ដោយចូលទៅកាន់ App Store រួចវាយពាក្យ Seek និងចុចទាញយកជាការស្រេច៕

ចុចអាន៖

ប្រភព៖ petapixel ប្រែសម្រួល៖ សុខហេង