មនុស្ស១៦នាក់ បានងរបួសធ្ងន់ស្រាល ក្នុងករណីគ្រោះថ្នាក់ចរាចរណ៍រវាងរថយន្តដឹកកម្មករ និងរថយន្តដឹកស៊ីម៉ង់ត៍
- 2019-06-11 08:54:00
- ចំនួនមតិ 0 | ចំនួនចែករំលែក 0
មនុស្ស១៦នាក់ បានងរបួសធ្ងន់ស្រាល ក្នុងករណីគ្រោះថ្នាក់ចរាចរណ៍រវាងរថយន្តដឹកកម្មករ និងរថយន្តដឹកស៊ីម៉ង់ត៍
ចន្លោះមិនឃើញ
មនុស្ស១៦នាក់ បានងរបួសធ្ងន់ស្រាល ក្នុងករណីគ្រោះថ្នាក់ចរាចរណ៍រវាងរថយន្តដឹកកម្មករ និងរថយន្តដឹកស៊ីម៉ង់ត៍ នៅថ្ងៃអង្គារ ៩កើត ខែជេស្ឋ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១១ ខែមិថុនា ឆ្នាំ២០១៩ ស្ថិតនៅលើកំណាត់ផ្លូវជាតិលេខ៤១ ចន្លោះគីឡូម៉ែត្រលេខ ៤០-៤១ ស្ថិតនៅភូមិតាដែងចាស់ ឃុំពោធិ៍ម្រាល ស្រុកបសេដ្ឋ ខេត្តកំពុងស្ពឺ។ នេះបើយោងតាមវិបសាយរបស់ អគ្គស្នងការនគរបាលជាតិ ដែលបានចុះផ្សាយនៅថ្ងៃនេះ។
សមត្ថកិច្ចបានអោយដឹងថាហេតុការណ៍នេះបណ្ដាលអោយគ្រោះថ្នាក់មនុស្សនិងខូចខាតសម្ភារៈរួមមាន៖ របួសមនុស្ស១៦នាក់ ប្រុស០១នាក់ របួសស្រាល០៦នាក់ ត្រូវបានរថយន្ដសង្គ្រោះដឹកទៅកាន់មន្ទីរបង្អែកខេត្តកំពង់ស្ពឺ០២នាក់ និងខេត្តតាកែវ១៤នាក់, ខូចរថយន្ដ ០២គ្រឿងធ្ងន់។
សមត្ថកិច្ចបានបន្តថាហេតុការណ៍នេះបង្កឡើងដោយរថយន្ដដឹកស៊ីម៉ង់ត៍។ អ្នកបើកបររថយន្ដដឹកស៊ីម៉ង់ត៍ក្រោយពេលកើតហេតុបានចុះរត់គេចខ្លួនពីកន្លែងកើតហេតុ នគរបាលជំនាញកំពុងស្រាវជ្រាវដើម្បីកំណត់មុខសញ្ញាចាប់ខ្លួនយកមកផ្ដន្ទាទោសតាមច្បាប់៕
រូបភាព និងរបាយការណ៍ពី អគ្គស្នងការនគរបាលជាតិ