ម៉េចចឹង! Ramos សុខចិត្តហៅ Pique មកស៊ីការ តែមិនអញ្ជើញ Ronaldo
- 2019-06-13 04:18:01
- ចំនួនមតិ 0 | ចំនួនចែករំលែក 0
ម៉េចចឹង! Ramos សុខចិត្តហៅ Pique មកស៊ីការ តែមិនអញ្ជើញ Ronaldo
ចន្លោះមិនឃើញ
Sergio Ramos មិនបានអញ្ជើញអតីតមិត្តរួមក្រុម Cristiano Ronaldo មកចូលរួមមង្គលការរបស់គេនៅប្រទេសអេស្ប៉ាញ នៅថ្ងៃសៅរ៍សប្ដាហ៍នេះឡើយ។
ប្រធានក្រុមរបស់ Real Madrid នឹងរៀបការជាមួយអ្នករាយការណ៍ព័ត៌មានទូរទស្សន៍នាង Pilar Rubio។ ក្នុងចំណោមភ្ញៀវដែលនឹងចូលរួមមានឈ្មោះគូស្វាមី David និង Victoria Beckham ដែលជាកីឡាករធ្លាប់លេងជាមួយ Ramos ២ឆ្នាំនៅ Real។
ដៃគូក្នុងជម្រើសជាតិនិងជាគូប្រជែងក្នុងលីគ Gerard Pique ក៏មានឈ្មោះអញ្ជើញទៅចូលរួមដែរជាមួយភរិយាតារាចម្រៀង Shakira ។ Marca បានបញ្ជាក់ថា តារាក្នុងពិភពបាល់ទាត់ទាំងជំនាន់មុននិងបច្ចុប្បន្នដែលស្គាល់ Ramos នឹងទៅចូលរួមយ៉ាងច្រើន លើកលែងតែ Cristiano Ronaldo ។
ផ្អែកតាមសេចក្ដីរាយការណ៍ Ramos និង Ronaldo បានប្រេះឆាទំនាក់ទំនង ក្រោយម្ចាស់ពាន Ballon d'Or សម្រេចចាកចេញពី Real Madrid ទៅ Juventus កាលពីរដូវកាលមុន។ ក្នុងពិធីមង្គលដ៏រីករាយប្រធានក្រុមរបស់អេស្ប៉ាញរូបនេះបានអញ្ជើញភ្ញៀវ៥០០នាក់៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
