Lexus GX ឆ្នាំ ២០២០ ប្ដូរមុខថ្មី កាចមិនចាញ់ LX 570
- 2019-06-19 02:59:59
- ចំនួនមតិ 0 | ចំនួនចែករំលែក 0
Lexus GX ឆ្នាំ ២០២០ ប្ដូរមុខថ្មី កាចមិនចាញ់ LX 570
ចន្លោះមិនឃើញ
Lexus GX ស៊េរីឆ្នាំ ២០២០ ដែលជាការបើកទំព័រថ្មីនៃជំនាន់ទី ៣ បានបង្ហាញមុខជាផ្លូវការ ដោយការផ្លាស់ប្ដូរមុខមាត់ថ្មី កាន់តែទាន់សម័យ និងមានបន្ថែមមុខងារថ្មីៗ រួមជាមួយម៉ាស៊ីនដែលមានកម្លាំងខ្លាំងលើសមុខផងដែរ។
ការផ្លាស់ប្ដូររូបរាងខាងក្រៅធំបំផុតគឺនៅផ្នែកខាងមុខ ដែលមានប្រើប្រាស់រចនាបថស្រដៀងនឹងរថយន្ត Lexus ស៊េរីចុងក្រោយផ្សេងៗទៀត ពោលមានបំពាក់ផ្ទាំងប៉ាណាប្រៀបធៀបដូចជាសំណាញ់ និងមានចង្កៀងមុខរាងស្លីម។
ពិសេសនោះ Lexus GX ស៊េរីថ្មី មានជម្រើស Option Off-Road ដែលមានបន្ថែមកាមេរ៉ាច្រើន, ធុងសាំងមានការពារខ្លាំងលើសធម្មតា, ប្រព័ន្ធបញ្ចុះកម្ដៅប្រអប់លេខ និងមុខងារបើកបរលើផ្លូវច្រើនប្រភេទ។
Lexus នឹងដាក់លក់រថយន្ត SUV ប្រណីតនេះក្នុងប្រភេទ GX 460 ដែលមានបំពាក់ម៉ាស៊ីន ៨ ស៊ីឡាំង ចំណុះ ៤,៦ លីត្រ អាចបង្កើតកម្លាំងបាន ៣០១ សេះ។ វាប្រើប្រាស់ប្រព័ន្ធបើកបរវិលកង់ទាំង ៤ និងប្រើប្រអប់លេខស្វ័យប្រវត្តិ ៦ វគ្គ។
តម្លៃ និងកាលបរិច្ឆេទនៅមិនទាន់បង្ហាញនៅឡើយទេ ប៉ុន្តែចំពោះ Lexus GX ស៊េរីឆ្នាំ ២០១៩ ដែលលក់នៅសហរដ្ឋអាមេរិក មានតម្លៃចាប់ពី ៥២ ៥០៥ ដុល្លារ៕
ចុចអាន៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
