អត់ដល់១ឆ្នាំផង ស្ត្រីម្នាក់កើតបានកូនភ្លោះ ពីរគូ!

2014-09-24 16:41:01
ចំនួនមតិ 0 | ចំនួនចែករំលែក 0

ចន្លោះមិនឃើញ

រឿងហេតុដ៏គួរឲ្យភ្ញាក់ផ្អើលមួយបានកើតឡើងលើគ្រួសារស្ត្រីអង់គ្លេសវ័យ ៤០ឆ្នាំមួយរូប បន្ទាប់ពីវេជ្ជបណ្ឌិតរកឃើញថា ស្ត្រីរូបនោះមានកូនភ្លោះដល់ទៅពីរគួ មិនដល់មួយឆ្នាំផង។ ក្រោយពីសង្ស័យថាមានផ្ទៃពោះ អ្នកនាង Donna បានទៅជួបគ្រូពេទ្យ។ ជាលទ្ធផល បង្ហាញថា នាងមានផ្ទៃពោះកូនភ្លោះទៀត។

អាន៖ ស្ត្រីចម្លែក វះកាត់អស់លុយរាប់ម៉ឺន បន្ថែមសុដន់ឲ្យគ្រប់៣

កូនភ្លោះទាំងពីរគូ របស់Donna និងលោក David

កូនភ្លោះមួយគួមុនមានអាយុមិនទាន់បាន មួយខួបផង (ខ្វះ៦ថ្ងៃ) ស្រាប់តែលទ្ធផលថាដូច្នេះ។ នាងស្រឡាំងកាំង ហើយប្រាប់ទៅគ្រូពេទ្យវិញថា អត់ចង់ទុកកូនភ្លោះហ្នឹងទេ ព្រោះសព្វថ្ងៃនេះមានកូន ៥នាក់ក្នុងបន្ទុកទៅហើយ។ ក្រោយប្រឹក្សាយោបល់ជាមួយគ្រូពេទ្យជំនាញ និងស្វាមីរបស់នាង ស្ត្រីរូបនោះក៏សម្រេចចិត្តបន្តពពោះកូនភ្លោះ គូទីពីរ។ រឿងរ៉ាវនេះ កើតឡើងតាំងពីខែធ្នូ ឆ្នាំ ២០១០ម៉្លេះ។

កូនភ្លោះគូទីពីរ ក្រោសម្រាល

សារព័ត៌មានអង់គ្លេស mirror បានស្រង់សំដីរបស់វេជ្ជបណ្ឌិតទទួលពិនិត្យ អ្នកស្រី Donna ថា នេះជាករណីដ៏សែនកម្រណាស់ ឬ អាចនិយាយបានថា មួយករណី ក្នុងចំណោម ៥ម៉ឺនករណី។

សមាជិកគ្រួសាររបស់ស្ត្រីដែលមានលទ្ធភាពប្លែកគេនេះ សរុបទៅមាន ៩នាក់ គឺ៖ -នាង និងស្វាមី (David) -កូនប្រុសច្បងគេ Thomas (២១ឆ្នាំ) -កូនប្រុសបន្ទាប់ វ័យ ១៨ឆ្នាំ William -កូនស្រី Hannah វ័យ ១៥ឆ្នាំ -កូនភ្លោះ បួននាក់