Mark Zuckerberg ខ្ទាតដល់លេខ ៥៥ ក្នុងបញ្ជីឈ្មោះ CEO ល្អបំផុតប្រចាំឆ្នាំ ២០១៩

2019-06-19 06:08:59
ចំនួនមតិ 0 | ចំនួនចែករំលែក 0

ចន្លោះមិនឃើញ

តាមរយៈការស្រង់មតិពីសំណាក់បុគ្គលិកតាមស្ថាប័នយក្សនីមួយៗប្រចាំឆ្នាំរបស់ Glassdoor បានចម្រាញ់ចេញនៅបញ្ជីឈ្មោះនាយកប្រតិបត្តិ (CEO) ល្អបំផុតនៅឆ្នាំ ២០១៩។ ការដាក់ពិន្ទុធ្វើទៅបានពឹងផ្អែកលើការវាយតម្លៃពីបណ្តាបុគ្គលិកនៅក្នុងស្ថាប័ននីមួយៗ។

សម្រាប់នាយកប្រតិបត្តិរបស់ Facebook លោក Mark Zuckerberg បានធ្លាក់ចុះអស់ ៣៩ លេខ ខ្ទាតពីលេខ ១៦ មកដល់ ៥៥ ពោលគឺជាលើកដំបូងរាប់តាំងពីឆ្នាំ ២០១៣ ដែល Mark ខ្ទាតចេញពីតំណែង Top 20។

ទាក់ទិននឹងបញ្ហានេះត្រូវបានគេមើលឃើញថាក៏ដោយសារកំហុសឆ្គងដែលក្រុមហ៊ុនបានជួបប្រទះនាឆ្នាំ ២០១៨ អំឡុងពេលជួបរឿងអាស្រូវបែកធ្លាយទិន្នន័យជាមួយក្រុមហ៊ុន Cambridge Analytica បូកផ្សំនឹងកត្តាតម្លៃភាគហ៊ុនពុំមានការកើនឡើងបើធៀបនឹងខែមករា ឆ្នាំ ២០១៨ ខណៈបុគ្គលិកជាច្រើនក្នុងក្រុមហ៊ុនសុទ្ធសឹងមានភាគហ៊ុនរៀងខ្លួន តែមិនទទួលផលចំណេញ។

ធៀបនឹងនាយកប្រតិបត្តិរបស់ Google លោក Sundar Pichai ក៏ឈរនៅលេខ ៤៦ ស្របពេល Tim Cook ធ្លាក់ច្រើនជាងគេដល់ទៅលេខ ៦៩ ដោយតួលេខនាំចេញ iPhone ហាក់មានការធ្លាក់ចុះ។

ចំណាត់ថ្នាក់ទី ១ បានទៅលើលោក Pat Gelsinger នាយកប្រតិបត្តិនៃក្រុមហ៊ុន Vmware ចំណែកឯលេខ ២ នាយកប្រតិបត្តិលោក Charles C.Butt នៃក្រុមហ៊ុន H E B និងលេខ ៣ អ្នកស្រី Lynsi Snyder ក្រុមហ៊ុន In-N-Out Burger។