មែនទែនហើយ! អាស៊ានមានទាំងកម្ពុជាសម្រេចដេញថ្លៃធ្វើម្ចាស់ផ្ទះ World Cup 2034

2019-06-24 02:13:51
ចំនួនមតិ 0 | ចំនួនចែករំលែក 0

ចន្លោះមិនឃើញ

មេដឹកនាំកំពូលអាស៊ានកាលពីថ្ងៃអាទិត្យម្សិលមិញបានសម្រេចរួមគ្នាដើម្បីដេញថ្លៃធ្វើម្ចាស់ផ្ទះនៃការប្រកួតជើងឯកពិភពលោក Fifa World Cup ប៉ុន្តែមិនទាន់បង្ហាញកាលបរិច្ឆេទច្បាស់លាស់ឡើយដោយត្រូវការសិក្សាលំអិតថែមទៀត។

លោកនាយករដ្ឋមន្ត្រីថៃ Prayut Chan-o-cha

លោកនាយករដ្ឋមន្ត្រីថៃ Prayut Chan-o-cha ដែលជាប្រធានកិច្ចប្រជុំកំពូលអាស៊ានបាននិយាយក្នុងសេចក្តីថ្លែងការណ៍ថា ៖«យើងស្វាគមន៍គោលបំណងអាស៊ានមួយដើម្បីដេញថ្លៃរួមគ្នាទទួលធ្វើម្ចាស់ផ្ទះជើងឯកពិភពលោក (Fifa World Cup) និងជំរុញការខិតខំប្រឹងប្រែងរបស់សមាជិកសហព័ន្ធកីឡាបាល់ទាត់ជាតិអាស៊ាននីមួយៗ និងសហព័ន្ធកីឡាបាល់ទាត់អាស៊ានឲ្យយល់ពីគោលបំណងនេះ»។

ថ្នាក់ដឹកនាំអាស៊ានក្នុងកិច្ចប្រជុំកំពូល (ប្រភព៖

ទោះបីជាយ៉ាងណា ក្នុងសេចក្តីថ្លែងការណ៍មិនបានបញ្ជាក់ពីពេលវេលាជាក់លាក់នៃការដេញថ្លៃឡើយ។ បែបនេះក្តីរដ្ឋមន្ត្រីការបរទេសថៃលោក Don Pramudwinai បាននិយាយកាលពីថ្ងៃសៅរ៍ថា រដ្ឋមន្ត្រីការបរទេសអាស៊ានបានឯកភាពគ្នាដេញថ្លៃ World Cup ឆ្នាំ២០៣៤។

ដូច្នេះកម្ពុជាក៏ប្រទេសមួយក្នុងចំណោមប្រទេសអាស៊ាន១១ដែលគ្រោងដេញថ្លៃធ្វើម្ចាស់ផ្ទះជើងឯកពិភពលោកឆ្នាំ២០៣៤៕

ប្រភព៖ Bangkokpost ប្រែសម្រួល៖ ជាន ចាន់រ៉ា