នាយរងការិយាល័យប្រឆាំគ្រឿងញៀនបាញ់រះចូលផ្ទះប្រជាពលរដ្ឋ ត្រូវបញ្ជូនទៅកាន់តុលាការ
- 2019-06-25 04:53:36
- ចំនួនមតិ 0 | ចំនួនចែករំលែក 0
នាយរងការិយាល័យប្រឆាំគ្រឿងញៀនបាញ់រះចូលផ្ទះប្រជាពលរដ្ឋ ត្រូវបញ្ជូនទៅកាន់តុលាការ
ចន្លោះមិនឃើញ
នាយកឧត្តមសេនីយ៍សន្ដិបណ្ឌិត នេត សាវឿន បានបញ្ជាក់ប្រាប់រស្មីកម្ពុជាថា ករណីមន្ដ្រីប៉ូលីសនាយរងការិយាល័យនគរបាលប្រឆាំងគ្រឿងញៀន បាញ់ចូលផ្ទះប្រជាពលរដ្ឋ គឺត្រូវបានបញ្ជូនទៅកាន់តុលាការ។
គួរឲ្យដឹងថា ប៉ុស្តិ៍រដ្ឋបាលទឹកថ្លា បានធ្វើការឃាត់ខ្លួនជនសង្ស័យ១នាក់ ជាមន្ត្រីនគរបាល បាញ់រះចូលផ្ទះបោកអ៊ុតប៉ុនប៉ងមនុស្សឃាត នៅចំណុចក្នុងផ្ទះជួល ផ្លូវបេតុង ភូមិផ្សារទឹកថ្លា សង្កាត់ទឹកថ្លា ខណ្ឌសែនសុខ ភ្នំពេញ នៅថ្ងៃ២៤ ខែមិថុនា ឆ្នាំ២០១៩ វេលាម៉ោង២២ និង៣៥នាទីយប់។
ជនសង្ស័យ១នាក់ ឈ្មោះ បេង សុវណ្ណារ៉ា ភេទប្រុសអាយុ៤៧ឆ្នាំ ជនជាតិខ្មែរ ជានាយរងការិយាល័យ ប្រឆាំគ្រឿងញៀន ក៤ ស្នាក់នៅផ្ទះលេខ៤៨ស្ទួន ផ្លូវបេតុង ភូមិផ្សារទឹកថ្លា សង្កាត់ទឹកថ្លា ខណ្ឌសែនសុខ ភ្នំពេញ (គ្មានសារធាតុញៀន)។
ជនរងគ្រោះ១នាក់ ឈ្មោះ សុង សូណា ភេទស្រី អាយុ៣៥ឆ្នាំ ជនជាតិខ្មែរ មុខរបរ បោកអ៊ុតខោអាវ ស្នាក់នៅផ្ទះជួលលេខ១០ ផ្លូវបេតុង ភូមិផ្សារទឹកថ្លា សង្កាត់ទឹកថ្លា ខណ្ឌសែនសុខ ភ្នំពេញ។ សម្ភារ:ខូចខាត ធ្លុះការ៉ូ , ធ្លុះទ្វារកញ្ចក់ , ធ្លុះពិដាន និងធ្លុះកញ្ចក់បង្អួចឡៅតឿ ។
សម្ភារៈបន្សល់ទុក ៖ អាកាស្វាយបត់ ០១ដើម លេខ១៦២០៤៦១ , បង់០១ មានគ្រាប់១២គ្រាប់ សំបកគ្រាប់១១ , ក្បាលគ្រាប់០២ , រថយន្ត០១គ្រឿង ម៉ាកស្តារិច ពណ៌ស ពាក់ស្លាកលេខភ្នំពេញ2AX-9509 ។
ដំណើររឿង៖ មុនពេលកើតហេតុ ជនរងគ្រោះកំពុងដេកក្នុងបន្ទប់ជួល របស់ខ្លួន ស្រាប់តែឭសំលេងផ្ទះគ្រាប់កាំភ្លើង ចូលក្នុងផ្ទះជួលរបស់ខ្លួនជាច្រើនគ្រាប់ រួចជនសង្ស័យបានបើឡានគេចខ្លួនទៅបាត់។ បន្ទាប់មកកម្លាំងសមត្ថកិច្ចខណ្ឌសែនសុខ បានចុះដល់ចំណុចកើតហេតុ ធ្វើការស្រាវជ្រាវ តាមកាមេរ៉ាសុវត្ថិភាព កំណត់បានភិនភាគជនសង្ស័យ និងបានឈានទៅធ្វើការឃាត់ខ្លួនជនសង្ស័យរួមទាំងវត្ថុតាង នៅក្នុងផ្ទះរបស់ខ្លួនលេខ៤៨ស្ទួន ផ្លូវបេតុង ភូមិផ្សារទឹកថ្លា សង្កាត់ទឹកថ្លា ខណ្ឌសែនសុខ ភ្នំពេញ យកមកធ្វើការសាកសួរនៅអធិការដ្ឋាននគរបាលខណ្ឌសែនសុខ។
បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធីច្បាប់៕