កុំភ្លេច! ចុងសប្ដាហ៍នេះប្រដាល់ផ្ដាច់ព្រ័ត្រ៣សង្វៀនផ្សេងៗ

2019-07-04 03:39:51
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្រាប់អ្នកតាមដាន និងនិយមទស្សនាប្រដាល់គុនខ្មែរ កុំភ្លេចចុងសប្ដាហ៍នេះមានកម្មវិធីប្រដាល់ផ្ដាច់ព្រ័ត្រ ៣សង្វៀនផ្សេងៗគ្នាគឺ សង្វៀន TV5 សង្វៀន បាយ័នស្ទឹងមានជ័យ និងសង្វៀន PNN ប៉ុន្តែពេលវេលាខុសៗគ្នា។

សង្វៀន TV5

**ទី១ សង្វៀន TV5** គឺការប្រកួតវគ្គផ្ដាច់ព្រ័ត្រយកលេខ ១-២ និងលេខ ៣-៤ នៃកម្មវិធីដណ្ដើមពានរង្វាន់ TV5 Knock Out Series ប្រភេទទម្ងន់៥៤គីឡូក្រាម។ បេក្ខភាពដែលដណ្ដើមលេខ១ គឺ ខេម ចាន់ ប៉ះ ជី ឆៃលី ចាប់ផ្ដើមឡើងនៅថ្ងៃសៅរ៍ ទី៦ កក្កដា ២០១៩ វេលាម៉ោង៦ល្ងាចតទៅ។

សង្វៀន PNN

ទី២ សង្វៀន PNN គឺកាប្រកួតវគ្គផ្ដាច់ព្រ័ត្រលេខ ១-២ ដណ្ដើមខ្សែក្រវាត់ប្រាក់កម្មវិធី អធិរាជគុនខ្មែរ ISI PALM លើប្រភេទទម្ងន់ ៦០គីឡូក្រាម។ សម្រាប់បេក្ខភាពប្រកួតគឺ ធន់ មករា ប៉ះ ឡុង ជិន កម្មវិធីនេះចាប់ផ្ដើមឡើងនៅថ្ងៃអាទិត្យ ទី៧ ខែ កក្កដា ២០១៩ វេលាម៉ោង១២ថ្ងៃត្រង់តទៅ។

សង្វៀនបាយ័ន

ទី៣ សង្វៀនបាយ័នស្ទឹងមានជ័យ គឺការប្រកួតផ្ដាច់ព្រ័ត្រខ្សែក្រវាត់ខារ៉ាបាវ យកលេខ ១-២ ទម្ងន់ ៦៧គីឡូក្រាម។ សម្រាប់វគ្គផ្ដាច់ព្រ័ត្រនេះប្លែកបន្តិចហើយ ព្រោះអ្នកលេងគុនថៃ ប៉ះអ្នកលេងគុនថៃ រវាង ក្រៀងក្រៃ និង ក្លាឃុនសឺត។ កម្មវិធីនេះធ្វើឡើងនៅថ្ងៃអាទិត្យ ទី៧ ខែកក្កដា ២០១៩ ចាប់ពីម៉ោង ៦ល្ងាចតទៅ៕

អត្ថបទ៖ នួន ស៊ីណា