Ronaldo បង្ហាញវត្តមានយ៉ាងភ្ញាក់ផ្អើលនៅសិង្ហបុរី
- 2019-07-04 13:37:52
- ចំនួនមតិ 0 | ចំនួនចែករំលែក 0
Ronaldo បង្ហាញវត្តមានយ៉ាងភ្ញាក់ផ្អើលនៅសិង្ហបុរី
ចន្លោះមិនឃើញ
ខ្សែប្រយុទ្ធព័រទុយហ្គាល់កីឡាករ Cristiano Ronaldo បានធ្វើការបង្ហាញវត្តមាននៅប្រទេសសិង្ហបុរី ដោយបានជួបជាមួយអ្នកគាំទ្រនៅទីនោះក្នុងចំនួនលើសពី ៥០០នាក់។
ការបង្ហាញខ្លួនក្នុងប្រទេសអាស៊ីអាគ្នេយ៍មួយនេះ ធ្វើឡើងក្នុងកម្មវិធីអាហារូបករណ៍របស់អ្នកជំនួញសិង្ហបុរី Peter Lim។ ក្នុងប្រទេសនេះដែរ Ronaldo បានទៅទស្សនា Our Tampines Hub និងសាលាបឋមសិក្សា Yumin ទៀតផង។
បើតាមសេចក្ដីរាយការណ៍របស់ Asia One បានឲ្យដឹងថា អ្នកគាំទ្រប្រមាណ ៣០០នាក់ បានស្វាគមន៍ក្នុងច្រកចូល Our Tampines Hub។
ក្រោយពីដំណើរទស្សនកិច្ចនេះ Ronaldo នឹងធ្វើដំណើរទៅកាន់ទីក្រុង Turin វិញ ដើម្បីហ្វឹកហាត់ជាមួយក្លឹប Juventus ត្រៀមនូវរដូវកាលថ្មីខាងមុខ៕