រឿងធំ! Messi អាចជាប់បម្រាមមិនបានលេងជម្រើសជាតិ២ឆ្នាំ ព្រោះសម្ដីលើសលស់
- 2019-07-08 03:31:09
- ចំនួនមតិ 0 | ចំនួនចែករំលែក 0
រឿងធំ! Messi អាចជាប់បម្រាមមិនបានលេងជម្រើសជាតិ២ឆ្នាំ ព្រោះសម្ដីលើសលស់
ចន្លោះមិនឃើញ
Lionel Messi បានសម្ដែងការមិនពេញចិត្តចំពោះសហព័ន្ធបាល់ទាត់ទ្វីបអាមេរិកខាងត្បូង CONMEBOL ដែលជាអ្នករៀបចំព្រឹត្តិការណ៍ Copa America ២០១៩ បន្ទាប់ពីគេត្រូវបានបណ្ដេញចេញក្នុងការប្រកួតជាមួយឈីលី ក្នងការប្រកួតដណ្ដើមយកលេខ៣។
Messi ទទួលបានកាតក្រហម ពេលដែលប៉ះទង្គិចជាមួយ Gary Medel កីឡាកររបស់ឈីលីក្នុងវគ្គទីមួយ។ ត្បិតអាហ្សង់ទីនគ្រងតំណែងលេង៣មែន ក្រោយឈ្នះ ២-១ តែ Messi មិនបានឡើងទៅទទួលមេដាយលើឆាកឡើយ ដោយបានរិះគន់លើ CONMEBOL និងចោទលម្អៀងពេញចិត្តខាងម្ចាស់ផ្ទះប្រេស៊ីល។
“Copa America រៀបចំឡើងដើម្បីប្រេស៊ីល។ សង្ឃឹមថាអាជ្ញាកណ្ដាលនិង VAR មិនមានបញ្ហា និងឲ្យប៉េរូប្រកួតប្រជែង ប៉ុន្តែខ្ញុំគិតថាដូចមិនទំនងសោះ"។ សម្ដី Messi។ កីឡាកររបស់ Barcelona ក៏បានជេរអាជ្ញាកណ្ដាល បន្ទាប់ពីផ្ដល់កាតក្រហមឲ្យគេ។
ពេលនេះបើយោងតាមកាសែទ AS បានចុះផ្សាយថា Messi ប្រឈមមុខជាប់បម្រាមមិនបានលេងឲ្យជម្រើសជាតិ២ឆ្នាំសម្រាប់សម្ដីហែកហួរមិនសមរម្យ។ នេះបើយោងតាមច្បាប់ដ៏តឹងរ៉ឹងនៅក្នុង CONMEBOL ដែលហាមឃាត់កីឡាករមិនឱ្យរិះគន់ដល់សហព័ន្ធ។ នេះមានន័យថា Messi អាចនឹងខកខានមិនបានលេងជម្រុះ World Cup 2020 និងព្រឹត្តិការណ៍ Copa America ២០២០ ដែលរៀបចំនៅអាហ្សង់ទីននិងកូឡុំប៊ី៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
